ଛେଣ୍ଡିପଦା – ଅନୁଗୋଳ ଜିଲ୍ଲା ଛେଣ୍ତିପଦା ଖଳାମାଳ ସାହିରେ ଅଗ୍ନିକାଣ୍ତ ଘଟି ୧୦ରୁ ଉର୍ଦ୍ଧ୍ବ ପାଳଭାଡି ଜଳି ଯାଇଛି । ଦୁଇଟି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଆୟତ କରିଥିଲେ । ସୂଚନା ଅନୁସାରେ ଛେଣ୍ତିପଦାରୁ ବାହାଳସାହି ଯାଇଥିବା ଗ୍ରାମ୍ୟ ଉନ୍ନୟନ ବିଭାଗ ରସ୍ତାରେ ଥିବା ଖଳାମାଳ ଠାରେ ଛେଣ୍ଡିପଦା ଗ୍ରାମବାସୀଙ୍କର ରହିଛି ୧୦୦ରୁ ଉର୍ଦ୍ଧ୍ବ ପାଳଭାଡି । ହଠାତ ମଧ୍ୟାହ୍ନରେ ଏକ ପାଳଭାଡିରେ ହଠାତ୍ ନିଆଁ ଲାଗି ଯାଇ ଥିଲା । ସଙ୍ଗେ ସଙ୍ଗେ ନିଆଁ ବ୍ୟାପକ ହେବା ସହ ୧୦ ରୁ ଉର୍ଦ୍ଧ୍ବ ପାଳଭାଡ଼ିରେ ଲାଗି ଯାଇଥିଲା । ଗ୍ରାମବାସୀ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରିଥିଲେ ମଧ୍ୟ ସଫଳ ହୋଇ ନଥିଲେ । ଖବର ପାଇ ଅଗ୍ନିଶମ ବିଭାଗର ୨ଟି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା । ତେବେ ନିଆଁ ଆୟତ ହେବା ବେଳକୁ ୧୦ ପାଳଭାଡ଼ିର ପାଳ ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିଲା । ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଛି ତାହା ସ୍ପଷ୍ଟ ହୋଇ ପାରିନାହିଁ ।