ମୁଖ୍ୟ ଖବର ଖଣି ଫାଟକ ଆଗରେ ମହିଳା ପାଳିଲେ ମାଣବସା ଗୁରୁବାର Angul OnlineDecember 21, 2023December 21, 2023 ତାଳଚେର – କୋଇଲା ଖଣି ଫାଟକ ଆଗରେ ମାଣ ବସାଇବା ସହ ଲକ୍ଷ୍ମୀ ପୂଜା । ମାର୍ଗଶିର ଗୁରୁବାର ପାଳିଲେ କ୍ଷତିଗ୍ରସ୍ତ ପ୍ରଜା । ତାଳଚେର ହିଙ୍ଗୁଳା କୋଇଲା ଖଣି ଟାଇମ ଅଫିସ ସମ୍ମୁଖରେ ଧାରଣାରେ ବସିବା ସହ ଖଣି ବନ୍ଦ ଆନ୍ଦୋଳନ ଜାରି ରଖିଛନ୍ତି ଗୋପାଳପ୍ରସାଦ ଗ୍ରାମବାସୀ । ସୂଚନା ଅନୁସାରେ ଗୋପାଳପ୍ରସାଦ ଗାଁର ତୃତୀୟ ପର୍ଯ୍ୟାୟରେ ଜମି ଓ ଘରବାଡି ଗୁଡିକୁ ଏମସିଏଲ ଅଧିଗ୍ରହଣ କରିବାକୁ ନେଇ ଟାଳଟୁଳ ନୀତି ଅବଲମ୍ବନ କରୁଥିବାରୁ ତାଳଚେର ସୁରକ୍ଷାମଞ୍ଚ ପକ୍ଷରୁ ଆନ୍ଦୋଳନ ଡାକରା ଦିଆଯାଇଛି । ଗ୍ରାମରେ ବସବାସ କରୁଥିବା ମୂଳ ପଟାଦାରଙ୍କୁ ଅଣଦେଖା କରି ବିକ୍ରି ହୋଇଥିବା ଜମି ମାଲିକଙ୍କୁ ଅଗ୍ରାଧିକାର ଦେଇ ଏମସିଏଲ ସମସ୍ତ ଅର୍ଥ ଯୋଗାଇ ଦେଇଥିବା ଅଭିଯୋଗ କରିଛନ୍ତି ଗ୍ରାମବାସୀ । ପୂର୍ବରୁ ମୋଟ 755 ଘରବାଡିକୁ ଏମସିଏଲ ଚିହ୍ନଟ କରିଥିବା ବେଳେ ମୋଟ 312 ଜଣଙ୍କୁ ଚୟନ କରିଥିବା ବେଳେ ବାକି 443 ଜଣ ମୂଳ ପଟାଦାରଙ୍କୁ ଛାଡି ଦେଇଥିବାରୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ଯେ ପର୍ଯ୍ୟନ୍ତ ଗ୍ରାମବାସୀଙ୍କ ସମସ୍ତ ଦାବି ଗୁଡିକ ପୂରଣ ନହୋଇଛି ସେ ପର୍ଯ୍ୟନ୍ତ ଖଣି ବନ୍ଦ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦେଇଛନ୍ତି ଗ୍ରାମବାସୀ । ଏଥିପାଇଁ ଖଣି ଆଗରେ ଧାରଣା ଦେଇଥିଲେ । ଆଉ ଆଜି ଶେଷ ମାର୍ଗଶିର ଗୁରୁବାର ହୋଇଥିବା ବେଳେ ସେହିଠାରେ ହିଁ ବସି ଝୋଟି ମୁରୁଜ ପକାଇ ମା ଲକ୍ଷ୍ମୀଙ୍କ ପୂଜା କରିଥିଲେ । Advertisement
ପୁଲିସ ଇନ୍ସପେକ୍ଟର ସ୍ତରରେ ଅଦଳବଦଳ ଅନୁଗୁଳ – ରାଜ୍ୟ ପୁଲିସ ବିଭାଗରେ ପୁଲିସ ସବ୍-ଇନ୍ସପେକ୍ଟରଙ୍କର ଇନ୍ସପେକ୍ଟର ଭାବେ ପଦୋନ୍ନତି ହୋଇଛି । ପଦୋନ୍ନତି ପାଇଥବା ଏହି ଇନିସ୍ପେକ୍ଟରଙ୍କ ସମେତ ପୂର୍ବରୁ କାର୍ଯ୍ୟରତ ବରିଷ୍ଠ…
ମୋଟରସାଇକେଲ ସହ କେନାଲରେ ପଡି ଜଣେ ମୃତ ତାଳଚେର – ଅନୁଗୋଳ ଜିଲ୍ଲା ତାଳଚେର ସରେଇଲୋ ଠାରେ ସମଲ ଦକ୍ଷିଣପାର୍ଶ୍ଵ କେନାଲରେ ଭାରସ୍ୟାମ ହରାଇ ମୋଟରସାଇକେଲ ସହ ତଳକୁ ପଡି ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି…
ଟିକରପଡା ବୁଲିବା ମନା – ଜିଲ୍ଲାପାଳ ଦେଲେ ନିର୍ଦେଶ ଅନୁଗୁଳ – ମହାନଦୀରେ ବନ୍ୟା ଆସିବା ଫଳରେ ଅନୁଗୁଳ ସାତକୋଶିଆର ଟିକରପଡା ପଞ୍ଚାୟତ ଅଧିକ ପ୍ରଭାବିତ ହୋଇଛି । ଗତ ୨ ଦିନ ହେବ ବନ୍ୟାପାଣିରେ ବୁଡି…