ସାବଧାନ ଗାଡି ଚାଳକ-ଜାତୀୟ ରାଜପଥର ବଅଁରପାଳରୁ ରନ୍ତଲେଇ ମଧ୍ୟରେ ଜଗିବ ଇଣ୍ଟରସେପଟର

ଅନୁଗୁଳ – ଜାତୀୟ ରାଜପଥରେ ଅମାନିଆ ଚାଳକଙ୍କ ଉପରେ ନଜର ରଖିବା ଇଣ୍ଟରସେପଟର । ଏ ନେଇ ନିର୍ଦେଶନାମା ଜାରି କରିଛନ୍ତି ଆଞ୍ଚଳିକ ପରିବହନ ଅଧିକାରୀ । ସୂଚନା ଅନୁସାରେ ଗତ ଜୁଲାଇ ୧୧ ତାରିଖରେ ଜିଲ୍ଲା ସଡକ ସୁରକ୍ଷା କମିଟିର ଅଧ୍ୟକ୍ଷଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ନିଆ ଯାଇଥିବା ନିଷ୍ପତ୍ତି ଅନୁଯାୟୀ ଜାତୀୟ ରାଜପଥ ୫୫ ର ବଅଁରପାଳରୁ ରନ୍ତଲେଇ ମଧ୍ୟରେ ଇଣ୍ଟରସେପଟର ରହିବା । ଭିନ୍ନ ଭିନ୍ନ ଦିନ ଅଲଗା ଅଲଗା ସ୍ଥାନରେ ରହି ଇଣ୍ଟରସେପଟର ରହି ଅମାନିଆ ଗାଡି ଚାଳକଙ୍କ ଉପରେ ତିକ୍ଷ୍ନ ନଜର ରଖିବା । ମୁଖ୍ଯତଃ ବିନା ହେଲେମେଟରେ ଗାଡି ଚଲାଉଥିବା , ଗାଡି ଚଳାଇବା ସମୟରେ ମୋବାଇଲ ବ୍ୟବହାର କରୁଥିବା , ତିନି ଜଣ ହୋଇ ମୋଟରସାଇକେଲ ଚଢୁଥିବା , ଓଭର ସ୍ପିଡରେ ଗାଡି ଚାଳନା କରୁଥିବା ଗାଡି ଚାଳକଙ୍କ ଫଟୋ ଉଠାଇବା ସହ ଇ ଚାଲାଣ କଟାଯିବ । ଦିନକୁ ଅନ୍ଯୁନ ୫୦ ଟି ମାମଲା ରୁଜୁ କରିବାକୁ ନିର୍ଦେଶନାମା ଜାରି କରିଛନ୍ତି ଆଞ୍ଚଳିକ ପରିବହନ ଅଧିକାରୀ ।

Advertisement