ଆଞ୍ଚଳିକ ଆନ୍ତର୍ଜାତୀୟ ମହିଳା ଦିବସ ପାଳିତ Angul OnlineMarch 8, 2022March 8, 2022 ଅନୁଗୁଳ – ଜିନ୍ଦଲ ଷ୍ଟିଲ ଆଣ୍ଡ ପାୱାର (ଜେଏସପି) ଏବଂ ଏହାର ସାମାଜିକ ଦାୟିତ୍ଵବୋଧ ଶାଖା ରୂପେ କାର୍ଯ୍ୟ କରୁଥିବା ଜେଏସପିଏଲ ଫାଉଣ୍ଡେସନ ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ୨୦୨୨ ଅବସରରେ ଅନେକ ଗୁଡିଏ କାର୍ଯ୍ୟକ୍ରମ ଆୟୋଜିତ କରାଯାଇଅଛି । ଜିନ୍ଦଲ ଷ୍ଟିଲ ଆଣ୍ଡ ପାୱାର କ୍ୟାମ୍ପସ ପରିସରରେ କର୍ମଜୀବୀ ମହିଳାଙ୍କ ପାଇଁ ଏକ ସ୍ଵତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା ବେଳେ ଜେଏସପିଏଲ ଫାଉଣ୍ଡେସନ ପକ୍ଷରୁ ସମାଜରେ ନାରୀ ମାନଙ୍କ ପାଇଁ ପ୍ରେରଣାସ୍ରୋତ ହୋଇଥିବା କିଛି କିଶୋରୀ ଏବଂ ମହିଳାଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ସ୍ଵତନ୍ତ୍ର ଦିବସ ଅବସରରେ , ଜେଏସପିଏଲ ଫାଉଣ୍ଡେସନ ଅଧ୍ୟକ୍ଷା ଶ୍ରୀମତୀ ଶାଲୁ ଜିନ୍ଦଲ ସମସ୍ତ ମହିଳାଙ୍କୁ ତାଙ୍କର ଶୁଭେଚ୍ଛା ଜଣାଇବା ସହ ବାର୍ତା ମାଧ୍ୟମରେ ପ୍ରକାଶ କରିଛନ୍ତି ଯେ, ପ୍ରତ୍ୟେକ ମହିଳା ହେଉଛନ୍ତି ସାହସିକ । ସେମାନଙ୍କର ବୁଦ୍ଧି ଏବଂ ଜ୍ଞାନ କୌଶଳର ସୁବିନିଯୋଗ କରି ଏକ ସୁନ୍ଦର ଏବଂ ସୁରକ୍ଷିତ ବିଶ୍ଵ ଗଠନ କରି ହେବ । ଚାଲନ୍ତୁ, ସମସ୍ତେ ନାରୀତ୍ଵର ପର୍ବକୁ ପାଳନ କରି ଆଗାମୀ ବଂଶଧରଙ୍କ ପାଇଁ ଏକ ସୁନ୍ଦର ସମାଜ ଏବଂ ବିଶ୍ଵ ଗଠନ କରିବା । ଜେଏସପିଏଲ ପକ୍ଷରୁ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଶ୍ରୀ ରବି ଶଙ୍କର, ଇଭିପି, ମାନବ ସମ୍ବଳ ଏବଂ ଯୋଗ ଗୁରୁ ସ୍ଵାମୀ ସତ୍ୟବିନ୍ଦୁ ସରସ୍ଵତୀ ଯୋଗ ଦେଇ ଜିନ୍ଦଲ ଷ୍ଟିଲ ଆଣ୍ଡ ପାୱାର ତଥା ରାଷ୍ଟ୍ରର ଅଭିବୃଦ୍ଧିରେ ମହିଳା କର୍ମଚାରୀଙ୍କ ଯୋଗଦାନର ଭୂୟସୀ ପ୍ରଶଂସା କରିଥିଲେ । ସେହିଭଳି,ଜେଏସପିଏଲ ଫାଉଣ୍ଡେସନ ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ଅବସରରେ ଅନୁଗୁଳର ବିଭିନ୍ନ ମହାବିଦ୍ୟାଳୟର ଛାତ୍ରୀଙ୍କୁ ନେଇ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଜେଏସପିଏଲ ଫାଉଣ୍ଡେସନ, ପ୍ରଜାପିତା ବ୍ରହ୍ମକୁମାରୀ ଈଶ୍ବରୀୟ ବିଶ୍ଵବିଦ୍ୟାଳୟ ଏବଂ ପତଞ୍ଜଳି ଯୋଗ ସମିତି ପକ୍ଷରୁ ସହଭାଗିତା ମାଧ୍ୟମରେ ଆୟୋଜିତ କାର୍ଯ୍ୟକ୍ରମରେ କିଶୋରୀ ବାଳିକା ମାନଙ୍କ ପାଇଁ ଯୋଗ ଏବଂ ଧ୍ୟାନ ଦ୍ଵାରା ଶରୀର, ମନ ଏବଂ ଆତ୍ମାର କିପରି ନିୟନ୍ତ୍ରଣ କରାଯାଇପାରିବ, ସେ ସମ୍ବନ୍ଧରେ ଅବଗତ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା, ପ୍ରକଳ୍ପ ନିର୍ଦ୍ଦେଶକ, ଶ୍ରୀ ଦିଲୀପ କୁମାର ସାହୁ ଯୋଗ ଦେଇଥିବା ବେଳେ , ପ୍ରଜାପିତା ବ୍ରହ୍ମକୁମାରୀ ଈଶ୍ବରୀୟ ବିଶ୍ଵବିଦ୍ୟାଳୟ ଅନୁଗୁଳ ୟୁନିଟ ମୁଖ୍ୟ ବ୍ରହ୍ମ କୁମାରୀ ମୀନତି ,ଅନୁଗୁଳ ମହିଳା ମହାବିଦ୍ୟାଳୟ ଅଧ୍ୟକ୍ଷା ଶ୍ରୀମତୀ ନୀରଜା ସାହୁ, ଯଦୁନାଥ ସଂସ୍କୃତ ମହାବିଦ୍ୟାଳୟ, ଅନୁଗୁଳ ଅଧ୍ୟକ୍ଷ ଶ୍ରୀ ନାରାୟଣ ଚନ୍ଦ୍ର ପଣ୍ଡା , ପତଞ୍ଜଳି ଯୋଗ ସମିତି ଯୋଗାଚାର୍ଯ୍ୟ ଶ୍ରୀ ଅଭୟ ରାୟ ଏବଂ ଜିଏମ-ସିଏସଆର ଶ୍ରୀମତୀ ପୁଷ୍ପଲତା ସତପଥୀ ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ । ଏହି ଅବସରରେ ହିମୋଗ୍ଲୋବିନରୁ ରକ୍ଷା ପାଇବା ସହ ଉତ୍ତମ ସ୍ୱାସ୍ଥ୍ୟ ଏବଂ ପରିଛନ୍ନତା ଦ୍ଵାରା ବର୍ତମାନ ନିଜ ନିଜର ଅଧ୍ୟୟନ ଏବଂ ସହ-ପାଠ୍ୟକ୍ରମରେ ଉତ୍କର୍ଷ ଲାଭ କରିଥିବା ଛାତ୍ରୀ ତପସ୍ଵିନୀ ନାଏକ ଏବଂ ଲିଜାରାଣୀ ସାମଲଙ୍କୁ ଜେଏସପିଏଲ ଫାଉଣ୍ଡେସନର “ସ୍ଵୟଂପ୍ରଭା” ପୁରସ୍କାର ଦ୍ଵାରା ସମ୍ମାନିତ କରାଯାଇଥିଲା । ଅନୁଗୁଳ ହୋଣ୍ଡା ମୋଟରସାଇକେଲ ଓ ସ୍କୁଟର ଇଣ୍ଡିଆର ଅଧିକୃତ ବିକ୍ରେତା ଲକ୍ଷ୍ମୀ ହୋଣ୍ଡା ପକ୍ଷରୁ ମଧ୍ୟ ବିଶ୍ଵ ମହିଳା ଦିବସ ପାଳିତ ହୋଇ ଯାଇଛି । ଏଫଇଏସର ମୁଖ୍ୟ ତଥା ସମାଜସେବୀକା ସ୍ଵପ୍ନାଶ୍ରୀ ଷଡଙ୍ଗୀ ଏବଂ ଉଦୀୟମାନ କ୍ରୀଡାବିଦ କୁମାରୀ ତପସ୍ଵିନୀ ପ୍ରଧାନ ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ହୋଣ୍ଡା କମ୍ପାନୀର ଏରିଆ ଇନଚାର୍ଜ ସେଲ୍ସ ଅମିତ ମହାପାତ୍ର , ଏରିଆ ଇନଚାର୍ଜ କଷ୍ଟମର ସରଭିସ କୁମାର ସୁରେନ୍ଦ୍ର , ସେଫଟି ଏରିଆ ଇନଚାର୍ଜ ସଞ୍ଜିତ ସିଂହ ଯୋଗ ଦେଇଥିଲେ । ବିଶ୍ଵ ମହିଳା ଦିବସ ଅବସରରେ ଲକ୍ଷ୍ମୀ ହୋଣ୍ଡା ପକ୍ଷରୁ ଗ୍ରାହକ ମାନଙ୍କୁ ଫ୍ରି ସରଭିସ ବ୍ୟବସ୍ଥା କରା ଯିବା ସହ ସ୍ପେୟାର ପାର୍ଟସ ଏବଂ ଇଞ୍ଜିନ ଅଏଲରେ ସ୍ଵତନ୍ତ୍ର ରିହାତି କରା ଯାଇଥିଲା । ଏହି ଅବସରରେ ମୁଖ୍ୟ ଅତିଥି ଷଡଙ୍ଗୀ ମହିଳା ଦିବସର ମହତ୍ଵ ସମାପର୍କରେ ଆଲୋକପାତ କରିଥିଲେ । Advertisement
ଗଣତନ୍ତ୍ରରେ ସାମ୍ବାଦିକମାନଙ୍କ ମହତ୍ୱପୂର୍ଣ୍ଣ ଭୂମିକା ରହିଛି ତାଳଚେର – ଗଣତନ୍ତ୍ରକୁ ବିପତ୍ତି ପଡ଼ିଥିବା ବେଳେ ଗଣମାଧ୍ୟମ ହିଁ ଏହାକୁ ସଜାଡ଼ିବାରେ ଭୂମିକା ନେଇଛି । ଏବେ ବି ଗଣତନ୍ତ୍ର ଉପରେ ବାରମ୍ବାର ବିପଦ ଆସିବା…
ରଥଯାତ୍ରାରେ ଜେଏସପି ଫାଉଣ୍ଡେସନ ଦ୍ବାରା ଭକ୍ତମାନଙ୍କୁ ବିଭିନ୍ନ ସେବା ପ୍ରଦାନ ଭୁବନେଶ୍ଵର – ପୂର୍ବ ବର୍ଷ ପରି ପବିତ୍ର ରଥଯାତ୍ରାରେ ଭକ୍ତମାନଙ୍କ ସେବା କରିବାର ପରମ୍ପରାକୁ ବଜାୟ ରଖି ଅଗ୍ରଣୀ ଇସ୍ପାତ ନିର୍ମାତା ଜିନ୍ଦଲ ଷ୍ଟିଲ ଏଣ୍ଡ ପାୱାର…
ଉତ୍କଳ ଗୌରବ ମଧୁସୂଦନଙ୍କ ୧୭୪ତମ ଜୟନ୍ତୀ ଉତ୍ସବ ସହ ଆଇନଜୀବୀ ଦିବସ ପାଳିତ ଅନୁଗୁଳ – ଅନୁଗୁଳ ଓକିଲ ସଂଘ ପକ୍ଷରୁ ଉତ୍କଳ ଗୌରବ କୂଳ ଵୃଦ୍ଧ ମଧୁସୂଦନ ଦାସଙ୍କ ୧୭୪ତମ ଜୟନ୍ତୀ ଓ ଆଇନଜୀବୀ ଦିବସର ଶୁଭ ଉଦଘାଟନ ତଥା…