ଅନୁଗୁଳ – ସାରା ରାଜ୍ୟରେ ଏବେ କୋରନା ବିସ୍ଫୋରକ ରୂପ ନେଇଛି । ଏହି ପର୍ଯ୍ୟାୟରେ ଅନୁଗୁଳ ଜିଲାରେ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବଢି ଚାଲିଛି । ତେବେ ପୂର୍ବରୁ ଜିଲ୍ଲାରେ ରାଜ୍ୟ ସରକାର କୋରନା ମୁକାବିଲା କରିବା ପାଇଁ ତାଳଚେରସ୍ଥିତ ନେହେରୁ ଶତାବ୍ଦୀ ଚିକିତ୍ସାଳୟରେ କୋଭିଡ଼-୧୯ ହସ୍ପିଟାଲ ତିଆରି କରିଥିଲେ । ଏବେ ପୁଣି କରୋନା ବୃଦ୍ଧି ଯୋଗୁଁ ସେଠାରେ ପୁଣି ଥରେ କୋଭିଡ଼ ହସ୍ପିଟାଲ ଚାଲୁ କରିବାକୁ ଜିଲ୍ଲା ପ୍ରଶାସନ ଯୋଜନା କରୁଛି । ତେବେ ଏହି କୋଭିଡ ହସ୍ପିଟାଲର ବର୍ଜ୍ୟବସ୍ତୁ ପରିଚାଳନାକୁ ନେଇ ଅସନ୍ତୋଷ ଦେଖା ଦେଇଛି । ଏହି କୋଭିଡ଼ ହସ୍ପିଟାଲ ପରିସରରେ ଏବେ କୂଢ କୂଢ ଆବର୍ଜନା ପଡି ରହିଛି । ଯାହାକୁ ଆଜି ପର୍ଯ୍ୟନ୍ତ ଏହି ସଠିକ ପରିଚାଳନା କରା ଯାଇ ନଥିବା ଅଭିଯୋଗ ହୋଇଛି । ଏହାକୁ ସଠିକ ପରିଚାଳନା ପାଇଁ ଦାୟିତ୍ଵ ନେଇଥିବା ଠିକା ସଂସ୍ଥା ଏହି ବର୍ଜ୍ୟବସ୍ତୁକୁ ଏକ ସ୍ଵତନ୍ତ୍ର ଗାଡିରେ ଏଠାରୁ କଟକ ନେଇ ସେଠାରେ ସଠିକ ଭାବରେ ତାକୁ ନଷ୍ଟ କରିବା କଥା । କିନ୍ତୁ କାହିଁକି କେଜାଣି ଏହି ସବୁ ବର୍ଜ୍ୟବସ୍ତୁକୁ ସମ୍ପୃକ୍ତ ଠିକା ସଂସ୍ଥା ଆଉ ସ୍ଥାନାନ୍ତର କରି ନାହିଁ ଯାହା ଫଳରେ ଡାକ୍ତରଖାନା ବିଏଚଟିରେ ଥିବା ଗଣେଶ୍ଙ୍କ ପ୍ରତିମୂର୍ତ୍ତି ଆଗରେ କୂଢ କୂଢ ଆବର୍ଜନା ପଡି ରହିଛି । ଜାହକୁ ନେଇ ଏବେ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖା ଦେଇଛି । ଜିଲ୍ଲା ପ୍ରଶାସନ ଓ ନେହେରୁ ଶତାବ୍ଦୀ ହସ୍ପିଟାଲର ତାଳ ମେଳ ଅଭାବ ଯୋଗୁ ଏଭଳି ଅଭାବନୀୟ ପରିସ୍ଥିତି ସୃଷ୍ଟି ହୋଇଛି ବୋଲି ସ୍ଥାନୀୟ ଅଞ୍ଚଳବାସୀ କ୍ଷୋଭ ପ୍ରକାଶ କରିଛନ୍ତି ।