ଅନୁଗୁଳ – ଅନୁଗୁଳ ଜିଲ୍ଲା ଛେଳିଆପଡା ଠାରେ ଅଲ ଇଣ୍ଡିଆ ମିନାକ୍ଷୀ ମେମୋରିଆଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇ ଯାଇଛି । ଏହି ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ ଅନୁଗୁଳ ଲୁଟୁ ୱାରୀଅରସ ଏବଂ ଭୁବନେଶ୍ୱରର ୟୁନିଟ ୯ ମଧ୍ୟରେ ଅନୁଷ୍ଠିତ ହୋଇଥିଲା । ଯେଉଁଥିରେ ଲୁଟୁ ୱାରୀଅରସ ଟସ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇ ୮ ଓଭରରେ ୧୦୫ ରନ କରିଥିଲା । ତେବେ ୧୦୬ ରନର ଲକ୍ଷ ନେଇ ଦ୍ଵିତୀୟରେ ବ୍ୟାଟିଂ କରିଥିବା ଭୁବନେଶ୍ୱର ଦଳ ୮ ଓଭରରେ ମାତ୍ର ୭୫ ରନ କରି ପରାଜୟ ସ୍ୱୀକାର କରିଥିଲା । ଏହି ଫାଇନାଲ ମ୍ୟାଚରେ ଲୁଟୁ ୱାରୀଅରସର ବିଜ୍ଞ ପ୍ରସାଦ ସାହୁ ମାତ୍ର ୨୦ ବଲରେ ୩୪ ରନ କରି ଦଳକୁ ବିଜୟୀ କରିବାରେ ମୁଖ୍ୟ ଭୂମିକା ଗ୍ରହଣ କରିଥିବାରୁ ତାଙ୍କୁ ମ୍ୟାନ ଅଫ ଦ ମ୍ୟାଚ ଘୋଷଣା କରା ଯାଇଥିଲା । ସେହିଭଳି ପୁରା ଟୁର୍ଣ୍ଣାମେଣ୍ଟରେ ଶ୍ରେଷ୍ଟ ଖେଳ ପ୍ରଦର୍ଶନ କରିଥିବାରୁ ଲୁଟୁ ୱାରୀଅରସର ଆକାଶ ଚନ୍ଦନକୁ ମ୍ୟାନ ଅଫ ଦ ସିରିଜ ପୁରସ୍କାର ପ୍ରଦାନ କରା ଯାଇଥିଲା । ଏହି ଟୁର୍ଣ୍ଣାମେଣ୍ଟକୁ ଛେଳିଆପଡା କ୍ଲବ ଆୟୋଜନ କରିଥିଲା ।