ଅନୁଗୁଳ – ଅନୁଗୁଳ ସନ୍ତୁଳା ହୋଟେଲଠାରେ ମେକ୍ଆଶ୍ୱର (MakeAssure ଛୋଟରୁ ବଡ ଅଫଲାଇନ ବ୍ୟବସାୟ ଏବଂ ସର୍ଭିସ ପ୍ରଦାନକାରୀ ଗୁଡିକ ନିମନ୍ତେ ଏକ ଅନଲାଇନ ପ୍ଲାଟଫର୍ମ) ସଂସ୍ଥାର ଅନଲାଇନ ପ୍ଲାଟଫର୍ମ ଅନୁଗୁଳର ଯୁବନେତା ଅରୁଣାଭ ସିଂହଙ୍କ ଦ୍ଵାରା ଉନ୍ମୋଚିତ ହୋଇ ଯାଇଛି । ଏହି ଉନ୍ମୋଚନ ସମାରୋହରେ ବରିଷ୍ଠ ବିଜେଡି ଯୁବ ନେତା ଅରୁଣାଭ ସିଂହଙ୍କ ସହିତ ମେକ୍ଆଶ୍ୱର (MakeAssure) ସଂସ୍ଥାର ସଂସ୍ଥାପକ କୃଷ୍ଣ ଚନ୍ଦ୍ର ସାହୁ ମଧ୍ୟ ଉପସ୍ଥିତ ଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ କାଉନସିଲର ତାପସ ରଞ୍ଜନ ନାୟକ  ଯୁବ ନେତା ରାକେଶ ନନ୍ଦ ଓ ପ୍ରବୀଣ କୁମାର ସାମଲ ଉପସ୍ଥିତ ଥିଲେ ଉପସ୍ଥିତ ଥିଲେ ।           ମେକ୍ଆଶ୍ୱର ଏକ ୱେବ୍ ଏବଂ ମୋବାଇଲ୍ ସକ୍ଷମ ଅନଲାଇନ ପ୍ଲାଟଫର୍ମ । ଏହା ମାଧ୍ୟମରେ କ୍ରେତା ଏବଂ ବିକ୍ରେତା କିମ୍ବା ସର୍ଭିସ ପ୍ରଦାନକାରୀ ସେମାନଙ୍କ ଆବଶ୍ୟକତା ପୂରଣ କରିବା ନିମନ୍ତେ ନିଜ ସ୍ଥାନୀୟ ଅଞ୍ଚଳରେ ପରସ୍ପର ସହିତ ଯୋଗାଯୋଗ କରିପାରିବେ । ବ୍ୟବସାୟୀ  ନିଜ ବ୍ୟବସାୟର ବିନା ମୂଲ୍ୟରେ ଏକ ପୃଷ୍ଠା ଖୋଲି ବ୍ୟବସାୟ କରିପାରିବେ ଏବଂ ସାମଗ୍ରୀ ଗୁଡିକର ଫଟୋ ଏବଂ ଭିଡିଓ ଅପଲୋଡ୍ କରି ଗ୍ରାହକମାନଙ୍କୁ ଆକର୍ଷିତ କରିବା ଆରମ୍ଭ କରିପାରିବେ । ମେକ୍ଆଶ୍ୱର (MakeAssure) ଭାରତ ସରକାରଙ୍କ ଶିଳ୍ପ ଏବଂ ଆଭ୍ୟନ୍ତରୀଣ ବାଣିଜ୍ୟର ପ୍ରୋତ୍ସାହନ ବିଭାଗ ଦ୍ୱାରା ଏକ ଷ୍ଟାର୍ଟଅପ୍ ଭାବରେ ସ୍ୱୀକୃତିପ୍ରାପ୍ତ । ଏହାର ଲକ୍ଷ୍ୟ ହେଉଛି ଛୋଟରୁ ବଡ ସ୍ଥାନୀୟ ଅଫଲାଇନ୍ ବ୍ୟବସାୟ କିମ୍ବା ସର୍ଭିସ ପ୍ରଦାନକାରୀ ଗୁଡିକୁ ବୈଷୟିକ ମାର୍କେଟିଂ ଆବଶ୍ୟକତା ପ୍ରଦାନ କରିବା ବୋଲି ଏହାର ସଂସ୍ଥାପକ କୃଷ୍ଣ ଚନ୍ଦ୍ର ସାହୁ କହିଛନ୍ତି | ମେକ୍ଆଶ୍ୱର (MakeAssure) ମୋବାଇଲ ଆପକୁ ଗୁଗୁଲ ପ୍ଲେ ଷ୍ଟୋରରୁ ଡାଉନଲୋଡ଼ କିମ୍ବା www.makeassure.comରେ ଲଗଇନ କରିପାରିବେ ।