ସମସ୍ୟା ସାମ୍ବାଦିକଙ୍କ ସ୍ୱାସ୍ଥ୍ୟବୀମା କାର୍ଡ ବଣ୍ଟନ ବଞ୍ଚିତ ଅନେକ ସାମ୍ବାଦିକ – ତୁରନ୍ତ ବୀମା ଅନ୍ତର୍ଭୁକ୍ତ କରିବାକୁ ଦାବି Angul OnlineOctober 22, 2021October 22, 2021 ତାଳଚେର – କାର୍ଯ୍ୟରତ ସାମ୍ବାଦିକଙ୍କ ନିମନ୍ତେ ରାଜ୍ୟ ସରକାରଙ୍କ ତରଫରୁ ମିଳୁଥିବା ଗୋପବନ୍ଧୁ ସ୍ୱାସ୍ଥ୍ୟବୀମା କାର୍ଡ଼ରୁ ବଞ୍ଚିତ ହୋଇଥିବାରୁ ସାମ୍ବାଦିକ ମାନେ ଆଜି ପ୍ରତିବାଦ ଜଣାଇଛନ୍ତି । ଅନୁଗୁଳ ଜିଲ୍ଲା ତାଳଚେର ଉପଖଣ୍ଡର ସାମ୍ବାଦିକ ମାନେ ସ୍ଥାନୀୟ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ । ଚଳିତ ବର୍ଷ ଜୁନ୍ ମାସରେ ସ୍ୱାସ୍ଥ୍ୟବୀମା କାର୍ଡ଼ ପାଇଁ ସାମ୍ବାଦିକମାନେ ବିଧିବଦ୍ଧ ଭାବେ ଆବେଦନ କରିଥିବା ବେଳେ ଦୀର୍ଘ ଚାରି ମାସ ପରେ କିଛି ସାମ୍ବାଦିକ ସ୍ୱାସ୍ଥ୍ୟ ବୀମା ଯୋଜନାର ଅନ୍ତର୍ଭୁକ୍ତ ହୋଇନଥିବା ନେଇ ଏକ ତାଲିକା ସାମ୍ବାଦିକଙ୍କ ହସ୍ତଗତ ହୋଇଥିଲା । ତେବେ ଅନେକ ବରିଷ୍ଠ ସାମ୍ବାଦିକ ଏଥିରୁ ବାଦ୍ ପଡ଼ିଥିବାର ଲକ୍ଷ୍ୟ କରାଯାଇଥିଲା । ନବୀକରଣ ପାଇଁ ଆବଶ୍ୟକୀୟ କାଗଜପତ୍ର ସହ ଆବେଦନ କରିଥିବା ବେଳେ ସାମ୍ବାଦିକଙ୍କ ନାଁ ବୀମାର ଅନ୍ତର୍ଭୁକ୍ତ ହେଇନଥିବାରୁ ବିରୋଧକରି ବହୁ ସାମ୍ବାଦିକ ତାଳଚେର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ । ଉପଖଣ୍ଡ ସୂଚନା ଓ ଲୋକ ସମ୍ପର୍କ ବିଭାଗ ଅଧିକାରୀ ସୈାରଭ ପ୍ରଧାନ ଓ ସହକାରୀ ଉପଜିଲ୍ଲାପାଳ ପ୍ରକାଶ ଚନ୍ଦ୍ର ନାଏକଙ୍କୁ ବାକି ସାମ୍ବାଦିକଙ୍କ ସ୍ୱାସ୍ଥ୍ୟବୀମା କାର୍ଡ଼ କାହିଁକି ହୋଇନାହିଁ ତାହାର କାରଣ ପଚାରିବା ସହ ବାଦ୍ ପଡ଼ିଥିବା ସାମ୍ବାଦିକଙ୍କୁ ଏହି ତାଲିକାରେ ଅନ୍ତର୍ଭୁକ୍ତ କରିବାକୁ ଏକ ଦାବୀପତ୍ର ପ୍ରଦାନ କରିଥିଲେ । ଏନେଇ ଆବଶ୍ୟକୀୟ ପଦକ୍ଷେପ ନିଆ ନଗଲେ ଆଗାମୀ ଦିନରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମେତ ଜାତୀୟ ରାଜପଥ ଅବରୋଧ ପୂର୍ବକ ବିକ୍ଷୋଭ ପ୍ରଦର୍ଶନ କରିବାକୁ ଚେତାବନୀ ଦେଇଥିଲେ । ସେହିପରି ଅନୁଗୁଳ ଜିଲ୍ଲା ସମ୍ବାଦିକଙ୍କ ମଧ୍ୟରୁ ଅନେକ ସମ୍ବାଦିକଙ୍କୁ ଚଳିତ ଥର ବିନା ଅନ୍ତର୍ଭୁକ୍ତ କରା ଯାଇ ନଥିବାରୁ ଅସନ୍ତୋଷ ଦେଖା ଦେଇଛି । ଏଥିପାଇଁ ଆଜି ଅନୁଗୁଳ ଜିଲ୍ଲା ସାମ୍ବାଦିକ ମାନଙ୍କ ସୂଚନା ଓ ଲୋକ ସମ୍ପର୍କ ବିଭାଗ ଅଧିକାରୀ ଦୁଃଖବନ୍ଧୁ ମାଝୀଙ୍କୁ ଏ ସମ୍ପର୍କରେ ପଚାରିବା ସହ ଏକ ଦାବି ପତ୍ର ପ୍ରଦାନ କରା ଯାଇଛି । ତୁରନ୍ତ ତାଲିକାରେ ଅନ୍ତର୍ଭୁକ୍ତ ହୋଇ ନଥିବା ସାମ୍ବାଦିକ ମାନଙ୍କୁ ବୀମା ଅନ୍ତର୍ଭୁକ୍ତ କରିବାକୁ ଦାବି କରା ଯାଇଛି । Advertisement
ବନ ବିଭାଗର ଘଡିଆଳ ଶାବକ ଚିନ୍ତା ଅନୁଗୁଳ – ଅନୁଗୁଳ ଜିଲ୍ଲା ମହାନଦୀର ସାତକୋଶିଆ ଗଣ୍ଡର ଅକାତ କାତ ପାଣିରେ ହଜି ଯାଇଛନ୍ତି ନବଜାତକ ଘଡ଼ିଆଳ ଶାବକ । ବନ ବିଭାଗ ପକ୍ଷରୁ ବହୁ…
ଜାତୀୟ ରାଜପଥ ଦୁରବସ୍ଥା – ଦୋଷ ଦେଇ ଅବଧି ବଢାଇଲେ ମନ୍ତ୍ରୀ ଅନୁଗୋଳ – ଅନୁଗୋଳ ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ଗୁଡିକର ଅବସ୍ଥା ଶୋଚନୀୟ ହୋଇ ପଡିଛି । ମୁଖ୍ୟତଃ ଜାତୀୟ ରାଜପଥ ୫୫ ର…
ହଟିଲା ଶୁଖିଲା ଗଛ – ଦୀର୍ଘ ଦିନ ଧରି ରାସ୍ତା ବନ୍ଦ ହୋଇ ରହିଥିଲା ଅନୁଗୁଳ – ହଟୁ ନାହିଁ ଶୁଖିଲା ଗଛ – ରାସ୍ତା ପାଲଟିଛି ଖୋଲା ବାର ଖବର ଅନୁଗୁଳ ଅନଲାଇନରେ ପ୍ରାକାଶ ପରେ ସେହି ରାସ୍ତାରୁ ପଡିଥିବା ଶୁଖିଲା…