Uncategorized ଘର ଭିତରେ ପଶି ଗୁଳିମାଡ – ଲୁଟିନେଲେ ସୁନା ଗହଣା Angul OnlineNovember 16, 2021November 16, 2021 ଅନୁଗୁଳ – ଅନୁଗୁଳ ଜିଲ୍ଲା ଜରପଡା ଥାନା ତୁବେ ଗାଁରେ ଆଜି(ମଙ୍ଗଳବାର) ସନ୍ଧ୍ୟା ସମୟରେ ଗୁଳିମାଡ଼ କରି ଲୁଟ କରିବା ପରେ ୩ ଦୁର୍ବୃତ୍ତ ଫେରାର ହୋଇଯାଇଥିବା ଅଭିଯୋଗ ହୋଇଛି । ଗୁଳି ମାଡରେ ଘରେ ଥିବା ସୁଲୋଚନା ନାମକ ଜଣେ ମହିଳା ଆହତ ହୋଇ ଚିକିତ୍ସିତ ହେଉଛନ୍ତି । ସୁଚନା ଅନୁସାରେ ଜରପଡା ଥାନା ଅନ୍ତର୍ଗତ ତୁବେ ଗ୍ରାମାର ପଦିଆସାହିର ସୁଲୋଚନା ପ୍ରଧାନଙ୍କ ଘରେ ହଠାତ ୩ ଜଣ ଦୁର୍ବୃତ୍ତ ସନ୍ଧ୍ୟା ପ୍ରାୟ ୮ ତା ସମୟରେ ପଶିଥିଲେ । ସେହି ସମୟରେ ସୁଲୋଚନା ତାଙ୍କ ବୋହୁ ସାଙ୍ଗରେ ଟିଭି ଦେଖୁଥିଲେ । ସୁଲୋଚନାଙ୍କ କହିବା ଅନୁଯାଇ ଏହି ଦୁର୍ବୃତ୍ତ ମାନେ ତାଙ୍କୁ ଗୁଣିଗାରେଡି କରୁଛ ବୋଲି କହି ପାଟି ତୁଣ୍ଡ କରିଥିଲେ । ଏହାପରେ ଗୁଳି ମାଡ଼ କରି ସୁଲୋଚନାଙ୍କ ଘରୁ ବୋହୁରା ଥିବା ସୁନା ଗହଣା ଲୁଟ କରି ଫେରାର ହୋଇଯାଇଥିଲେ । ଘର ମାଲିକାଣି ସୁଲୋଚନା ସାହୁଙ୍କ ବାମ କାନ୍ଧରେ ଗୁଳି ବାଜିଥିଲା । ତିନି ଦୁର୍ବୃତ୍ତ ମୋଟରସାଇକେଲରେ ଆସିଥିବା ବେଳେ ଲୁଟକରି ଫେରାର ହୋଇଯାଇଥିବା ଜଣା ପଡିଛି । ସୁଲୋଚନା ସେମାନଙ୍କୁ ଜାଣି ନଥିବା କହିଛନ୍ତି । ଗୁରୁତର ସୁଲୋଚନାଙ୍କୁ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ବେଳେ ସ୍ଥାନୀୟ ଅଞ୍ଚଳରେ ଉତେଜନା ଦେଖାଦେଇଛି । ଜରପଡା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।ତେବେ ଏହି ଗୁଳିକାଣ୍ଡ ପଛରେ ଆଉ କିଛି କାରଣ ଅଛି ନା ଲୁଟ ଉଦ୍ୟେଶ କରା ଯାଇଛି ତାହା ସ୍ପଷ୍ଟ ହୋଇ ପାରି ନାହିଁ । Advertisement
ଟ୍ରକ ମାଲିକ ସଂଘ ନିର୍ବାଚନ-ଅମରେଶ ସଭାପତି,ରଜତ ସାଧାରଣ ସମ୍ପାଦକ ଅନୁଗୁଳ – ଚଳିତ ୨୦୨୫/୨୭ ବର୍ଷ ପାଇଁ ଅନୁଗୁଳ ଜିଲ୍ଲା ଟ୍ରକ ମାଲିକ ସଂଘର କର୍ମକର୍ତ୍ତା ନିର୍ବାଚନ ୯ ତାରିଖ ଦିନ ଅନୁଷ୍ଠିତ ହୋଇଯାଇଛି । ସଂଘର…
ଜନ ବସତିରେ କଂକ୍ରିଟ ପ୍ଲାଣ୍ଟ – ବିରୋଧ କାଲେ ସ୍ଥାନୀୟ ବାସିନ୍ଦା ଅନୁଗୁଳ – ରେସିଡେନ୍ସିଆଲ ଏରିଆରେ କଂକ୍ରିଟ ପ୍ଲାଣ୍ଟ । ତା ପୁଣି ବିନା କୌଣସି ଅନୁମତିରେ । ନା ପ୍ରଶାସନର ଅନୁମତି ନିଆ ଯାଇଛି ନା ପ୍ରଦୂଷଣ…
ଆସପଣ୍ଡ ନିକଟରୁ ହାତୀଛୁଆର ମୃତଦେହ ଉଦ୍ଧାର ତାଳଚେର – ଅନୁଗୁଳ ଜିଲ୍ଲା ତାଳଚେର ସନ୍ଥପଡ଼ା ପଞ୍ଚାୟତ ଦାସନାଳି ଗ୍ରାମ ନିକଟସ୍ଥ ଆସପଣ୍ଡ ପୋଖରୀ ନିକଟରୁ ଏକ ହାତୀ ଛୁଆର ମୃତ ଦେହ ଉଦ୍ଧାର । …