ଅପରାଧ ନିର୍ବାହୀ ଅଧିକାରୀଙ୍କ ସମ୍ପର୍କରେ ଅଶ୍ଳୀଳ ପୋଷ୍ଟର ବାଣ୍ଟି ବନ୍ଧା ହେଲେ ପୌର କର୍ମଚାରୀ Angul OnlineJuly 4, 2022July 4, 2022 ତାଳଚେର – ଅନୁଗୁଳ ଜିଲ୍ଲା ତାଳଚେର ପୌର ନିର୍ବାହୀ ଅଧିକାରିଣୀଙ୍କ ସମ୍ପର୍କରେ ଅଶ୍ଳୀଳ ପ୍ରଚାରପତ୍ର ବାଣ୍ଟିବା ଅଭିଯୋଗରେ ପୁଲିସ ପୌରପାଳିକାର ଜଣେ ପୂର୍ବତନ କର୍ମଚାରୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ କର୍ମଚାରୀ ଜଣଙ୍କ କ୍ଷୀରୋଦ ଚନ୍ଦ୍ର ରାଉତ ବୋଲି ଜଣା ପଡିଛି । ସୂଚନା ଅନୂସାରେ, ମହିଳା ଅଧିକାରିଣୀଙ୍କ ସମ୍ପର୍କରେ ଜାତିଆଣ ଆକ୍ଷେପ ଓ ଅଶ୍ଳୀଳ ଭାଷାରେ ଲେଖାଯାଉଥିବା ପ୍ରଚାରପତ୍ର ସର୍ବସାଧାରଣରେ ବଣ୍ଟନ କରାଯାଇଥିବା ନେଇ ଚାଳଚେର ଟାଉନ୍ ପୁଲିସ ନିକଟରେ ଅଭିଯୋଗ ହୋଇଥିଲା । ଅଧିକାରିଣୀଙ୍କ ଏତଲାକ୍ରମେ ପୁଲିସ ଏକ ମାମଲା ରୁଜୁ କରି ତଦନ୍ତ କରିଥିଲା । ସହରର ବିଭିନ୍ନ ସ୍ଥାନରେ ଲାଗିଥିବା ସିସିଟିଭି ଜାଞ୍ଚ କରିବାରୁ ଏଠାରୁ ଅନ୍ୟତ୍ର ବଦଳି ହୋଇଥିବା ପୌର କର୍ମଚାରୀ କ୍ଷୀରୋଦ ଚନ୍ଦ୍ର ରାଉତ ବିଭିନ୍ନ ସ୍ଥାନରେ ଏହି ପ୍ରଚାରପତ୍ର ବାଣ୍ଟୁଥିବା ପୁଲିସ ଦେଖିବାକୁ ପାଇଥିଲା । କ୍ଷୀରୋଦ ପୂର୍ବରୁ ମଧ୍ୟ ତାଙ୍କ ବଦଳିରେ ଅସନ୍ତୁଷ୍ଟ ହୋଇ ନିର୍ବାହୀ ଅଧିକାରିଣୀଙ୍କୁ ଗାଳି ଗୁଲଜ କରିଥିଲେ । ସିସିଟିଭିରୁ ଘଟଣା ସମ୍ପର୍କରେ ଜାଣିବା ପରେ କ୍ଷୀରୋଦଙ୍କୁ ପୁଲିସ କାବୁ କରି ଜେରା କରିବା ପରେ କୋର୍ଟଚାଲାଣ କରିଛି । ଏହି ଘଟଣା ନେଇ ସମଗ୍ର ତାଳଚେର ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । Advertisement
ବଡ ଧରଣର ନକଲି କାଗଜପତ୍ର ରାକେଟ ପର୍ଦାଫାସ – ଡି.ଏଲ. , ପ୍ୟାନ କାର୍ଡ , ଆଧାର କାର୍ଡ ଜବତ ତାଳଚେର – ଅନୁଗୁଳ ଜିଲ୍ଲାରେ ସକ୍ରିୟ ହୋଇ ଉଠିଥିବା ଏକ ନକଲି ଜରୁରୀ କାଗଜପତ୍ର ରାକେଟର ପର୍ଦାଫାସ କରିଛି ପୁଲିସ । ନକଲି ଡ୍ରାଇଭିଙ୍ଗ ଲାଇସେନସ ,…
ଲିଙ୍ଗରାଜ କୋଇଲା ଖଣିରେ ଓଆଇଏସଏଫ ର ଚଢ଼ାଉ ତାଳଚେର – ଗତକାଲି ବିଳମ୍ବିତ ରାତିରେ ଅନୁଗୁଳ ଜିଲ୍ଲା ତାଳଚେରରେ ଥିବା କୋଇଲାଖଣି ସୁରକ୍ଷା ଦାଇତ୍ୱ ରେ ଥିବା OISF କର୍ମଚାରୀଙ୍କ ଦ୍ୱାରା ଲିଙ୍ଗରାଜ କୋଇଲା ଖଣିରେ…
ଗୁଣିଗାରେଡି ସନ୍ଦେହରେ ଯୁବକଙ୍କୁ ହତ୍ୟା ଅଭିଯୋଗ କଣିହାଁ – ଅନୁଗୁଳ ଜିଲ୍ଲା କଣିହାଁ ଥାନା ଅନ୍ତର୍ଗତ ତାଳପଦା ଗ୍ରାମରେ ଗୁଣିଗାରେଡ଼ି ସନ୍ଦେହରେ ଜଣେ ବିବାହିତ ଯୁବକଙ୍କୁ ହତ୍ୟା କରାଯାଇଥିବା ମୃତକଙ୍କ ପତ୍ନୀ ଥାନାରେ ବୁଧବାର…