ଅନୁଗୋଳ – ଅନୁଗୋଳ ସହର ହୁଲୁରିସିଂହା ଠାରେ ଗତକାଲି ସନ୍ଧ୍ୟାରେ ଯୁବକଙ୍କୁ ଗୋଡ଼ାଇ ଗୋଡ଼ାଇ ହତ୍ୟା କରିବା ଘଟଣାରେ ଉତ୍ତେଜନା ପରିସ୍ଥିତି ଦେଖା ଦେଇଛି । ସହର ଭିତରେ ଏଭଳି ଘଟଣା ଘଟିଥିବା ସତ୍ୱେ ପୁଲିସ ବର୍ତ୍ତମାନ ସୁଦ୍ଧା କାହାକୁ ଗିରଫ କରି ପାରି ନାହିଁ କିମ୍ବା ଘଟଣାରେ କୌଣସି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରି ନାହିଁ । ଏଥିପାଇଁ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖା ଦେବା ସହ ଉତ୍ତ୍ୟକ୍ତ ଲୋକ ଜାତୀୟ ରାଜପଥ ୫୫ ଅବରୋଧ କରିଛନ୍ତି । ହୁଲୁରିସିଂହା ଛକ ଉପରେ ଟାୟାର ଜାଳି ସାହି ଲୋକ ରାସ୍ତା ଉପରେ ବସି ରହିଛନ୍ତି । ଫଳରେ ଜାତୀୟ ରାଜପଥ ରେ ଗାଡି ଚଳାଚଳ ସମ୍ପୂର୍ଣ୍ଣ ଭାବେ ଠପ ହୋଇ ଯାଇଛି । ତୁରନ୍ତ ଦୋଷୀକୁ ଧରିବା ସହ ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରାଯାଇଛି ।