କଣିହାଁ – ଅନୁଗୋଳ ଜିଲ୍ଲା କଣିହାଁ ବନାଞ୍ଚଳର କୁମୁଣ୍ଡା ବିଟ୍ ହାଉସ ଅଧିନସ୍ଥ କୋଶଳା -ହିଙ୍ଗୁଳା ରାସ୍ତାରେ ଶନିବାର ଚଢାଉ କରି ୮୩ ପିସ୍ ଶାଳ ପଟ୍ଟା, ଓଡି -୧୯-ଇ -୭୬୬୭ ନମ୍ୱର୍ ବିଶିଷ୍ଟ ପିକଅପ୍ ଭ୍ୟାନରୁ ଜବତ କରିଛି । ପିକଅପ୍ ସହିତ ଅଭିଯୁକ୍ତ ଚାଳକ ଚିନ୍ମୟ ସାହୁ (୨୧) ଙ୍କୁ ଗିରଫ କରିଛି । ଚିନ୍ମୟର ଘର ଛେଣ୍ଡିପଦାର କୋଶଳା ଗ୍ରାମରେ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି । ପୂର୍ବରୁ ଶାଳ ପଟ୍ଟା ଚାଲାଣ ବିଷୟରେ ବନ ବିଭାଗକୁ ଖବର ଥିବାରୁ ଆଜି କଣିହାଁ ରେଞ୍ଜ ଅଧିକାରୀ ନୀଳମଣି ଦେହୁରୀଙ୍କ ନେତୃତ୍ବ ରେ ଆଜି ଦିବା ଦୁଇଟା ସମୟରେ ଅତର୍କିତ ଚଢାଉ କରି ଚୋରା ପଟ୍ଟା ବୋଝେଇ ପିକଅପ୍ ଭ୍ୟାନ ସହିତ ଅଭିଯୁକ୍ତକୁ ଧରିବାରେ ସକ୍ଷମ ହୋଇଥିବା ବେଳେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ।