କେନାଲରୁ ଜଣଙ୍କର ଓ ଡ୍ରେନରୁ ଜଣଙ୍କର ମୃତଦେହ ଉଦ୍ଧାର

ଅନୁଗୋଳ – ଅନୁଗୋଳ ଜିଲ୍ଲା ତାଳଚେରର ଏକ କେନାଲରୁ ଜଣଙ୍କର ମୃତଦେହ ଉଦ୍ଧାର କରା ଯାଇଥିବା ବେଳେ ଜରପଡା ଥାନା ତୁକୁଡାର ଏକ ଡ୍ରେନରୁ ଆଉ ଜଣଙ୍କର ମୃତଦେହ ଉଦ୍ଧାର କରା ଯାଇଛି । ସୁଚନା ଅନୁସାରେ ତାଳଚେର ପୋୖରାଞ୍ଚଳ ୱାର୍ଡ ନଂ-୧୧ ଚାଉଳିଆକୁଟା କେନାଲରେ ଆଜି ସକାଳେ ଜଣେ ଯୁବକଙ୍କ ମୃତଦେହ ଭାସୁଥିବା ସ୍ଥାନୀୟ ଲୋକ ଦେଖିବାକୁ ପାଇଥିଲେ । ସେମାନେ ପୁଲିସକୁ ଖବର ଦେବା ପରେ ପୁଲିସ ଘଟଣା ସ୍ଥଳରେ ପହନ୍ଚି ଯୁବକଙ୍କ ମୃତଦେହ ଉଦ୍ଧାର କରିଥିଲା । ମୃତ ଯୁବକ ଜଣଙ୍କ ସେହି ୱାର୍ଡର ଚାଟୁ ନାୟକ ବୋଲି ଜଣା ପଡିଛି । କୌଣସି କାରଣ ବଶତଃ କେନାଲରେ ପଡି ଉଠି ନ ପାରିବାରୁ ମୃତ୍ୟୁ ହୋଇଥିବା ସନ୍ଦେହ କରା ଯାଇଛି । ଶବ ବ୍ୟଛେଦ କରି ପୁଲିସ ଘଟଣାର ତଦନ୍ତ କରୁଛି । ସେହିଭଳି ଜରପଡ଼ା ଥାନା ତୁକୁଡ଼ାର ଏକ ଡ୍ରେନରୁ ଯୁବକଙ୍କ ମୃତଦେହ ଉଦ୍ଧାର । ପରିଚୟ ଅସ୍ପଷ୍ଟ ଥିବା ବେଳେ ମୃତଦେହ ପଚି ସଢ଼ି ଯାଇଛି । ଫଳରେ ଦୁଇ ଦିନ ହେଲା ଉକ୍ତ ଯୁବକର ମୃତ୍ଯୁ ହୋଇଥିବା ସନ୍ଦେହ କରା ଯାଉଛି ।

Advertisement