ଓପି ଜିନ୍ଦଲ ସ୍କୁଲ୍ ର ଛାତ୍ରଛାତ୍ରୀ ଓ ନୃତ୍ୟ ଶିକ୍ଷକ ସମ୍ମାନିତ

ଅନୁଗୁଳ – ସ୍ମୃତି କଲଚରାଲ୍ ଆସୋସିଏନ୍ ଆନୁକୂଲ୍ୟରେ ପ୍ରାୟୋଜିତ ” ମେଗା ଅନ୍ତର୍ଜାତୀୟ ନୃତ୍ୟ ମହୋତ୍ସବ ମାୟାପୁରୀ ୨୦୨୧” ଗତ ଶୁକ୍ରବାର ଦିନ ପୁରୀ ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଓପି ଜିନ୍ଦଲ ସ୍କୁଲ୍ ର ତେର ଜଣ ଛାତ୍ରଛାତ୍ରୀଙ୍କ ସହ ଓଡ଼ିଶାର ବିଭିନ୍ନ ଜିଲ୍ଲାରୁ ନୃତ୍ୟ କଳାପ୍ରେମୀ ୨୦୦ ଜଣ ଛାତ୍ରଛାତ୍ରୀ ଏହି ମହୋତ୍ସବ ରେ ସାମିଲ୍ ହୋଇ ନୃତ୍ୟ ପରିବେଷଣ କରି ସେଠାରେ ଉପସ୍ଥିତ ଥିବା ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲେ । ସ୍କୁଲ୍ ର ଛାତ୍ରୀ ଅଙ୍କିତା ଦ୍ବିବେଦୀ, ସ୍ଵସ୍ତି ତିୱାରୀ, ଅଦିତୀ ପଟ୍ଟନାୟକ, ଜାହ୍ନବୀ ଜେନା, ସମାୟାରା ମିଶ୍ର, ଆରତ୍ରିକା ନାୟକ, ଆଦାଶ୍ୟ ରିତୁଲିନା, ଆରାଧା ଦାସ ପାଣ୍ଡବ, ଜାହ୍ନବୀ ରାଜ୍ୟ, ଅନନ୍ୟା ଦାସ, ସଚେତନା ଶତପଥି,  ମାଝୀ କଲ୍ୟାଣଶ୍ବରୀ, ଦୀପଶିଖା ପାତ୍ର ଓ ନୃତ୍ୟ ଗୁରୁ ରାଜକୁମାର ନାହକଙ୍କୁ ଗୁରୁରତ୍ନ ସମ୍ମାନରେ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଏହି ସମ୍ମାନରେ ବିଦ୍ୟାଳୟର ଛାତ୍ର ଛାତ୍ରୀ ଓ ସମ୍ପୃକ୍ତ ନୃତ୍ୟଗୁରୁ ସମ୍ବର୍ଦ୍ଧିତ ହୋଇଥିବାରୁ ବିଦ୍ୟାଳୟର ଅଧ୍ୟକ୍ଷ ଅତନୁ ରଥ, ଉପାଧ୍ୟକ୍ଷ ଶ୍ରୀମତୀ ସଂଗୀତା ଶର୍ମା, ବିଦ୍ୟାଳୟ ପରିଚାଳନା ମଣ୍ଡଳୀର ସଦସ୍ୟ ଓ ସଦସ୍ୟା, ସ୍କୁଲ୍ ର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଓ କର୍ମଚାରୀ ଛାତ୍ର ଛାତ୍ରୀ ଓ ଅଭିଭାବକ ସେମାନଙ୍କ କୃତିତୃପାଇଁ ତାଙ୍କୁ ଅଭିନନ୍ଦନ ଓ ଶୁଭେଚ୍ଛା ବାର୍ତ୍ତା ଜଣାଇଛନ୍ତି ।

Advertisement