ରାଜନୀତି ସଂଗଠନ ହେଉଛି ଦୁର୍ବଳ – ଦାୟିତ୍ୱ ନେବେ ରଜନୀ !!! Angul OnlineOctober 28, 2023October 28, 2023 ଅନୁଗୁଳ – (ଅନୁଗୁଳ ଅନଲାଇନ୍) – ଆଗକୁ ସାଧାରଣ ନିର୍ବାଚନ । ଏବେଠାରୁ ସବୁ ଦଳ ପ୍ରସ୍ତୁତି ଆରମ୍ଭ କରିବା ସହ ସାଧାରଣ ଲୋକଙ୍କ ମନ ଜିଣିବାକୁ ଚେଷ୍ଟା କଲେଣି । ତେବେ ଏହି ସମୟରେ ଅନୁଗୁଳ ଜିଲ୍ଲା ବିଜେଡିକୁ ଘାରିଛି ଦଳୀୟ କନ୍ଦଳ ଓ ଭିନ୍ନ ଭିନ୍ନ ଗୋଷ୍ଠି ଚିନ୍ତା । ଏଭଳି ସ୍ଥିତି ଉପୁଜିଛି ଯେ ସବୁ ନିର୍ବାଚନ ମଣ୍ଡଳୀରେ ସଂଗଠନ ଦ୍ୱର୍ବଳ ସ୍ଥିତି ଆଡକୁ ଯାଉଛି । ନିର୍ବାଚନର ଠିକ ପୂର୍ବରୁ ଦଳରେ ଯେଉଁଭଳି ସାମାନ୍ୟ ଅନ୍ତଃ କନ୍ଦଳ ଲାଗି ରହୁଛି ତାହା ଦଳ ପାଇଁ ସମସ୍ୟା ସୃଷ୍ଟି କରିବାର ଆଶଙ୍କା ରହୁଛି । ଜିଲ୍ଲା ବିଜେଡି ସଭାପତି ମହେନ୍ଦ୍ର ବସ୍ତିଆ ତାଙ୍କ ଭୂମିକା ସୁଚାରୁ ରୁପେ ତୁଲାଇ ପାରୁ ନାହାନ୍ତି ବୋଲି ଏଭଳି ସ୍ଥିତି ଉପୁଜିଛି ବୋଲି ଚର୍ଚ୍ଚା ହେଉଛି । ଏପରିସ୍ଥଳେ ଦଳ ଜିଲ୍ଲାର ନେତୃତ୍ୱ ପରିବର୍ତ୍ତନ ପାଇଁ ଚିନ୍ତା କରୁଛି । ଆଉ ପୁଣି ଥରେ ଅନୁଗୁଳ ବିଧାୟକ ରଜନୀକାନ୍ତ ସିଂହଙ୍କ ଉପରେ ଦାୟିତ୍ୱ ଦେଇ ଦଳର ସଂଗଠନ ମଜଭୁତ କରିବାକୁ ଚେଷ୍ଟା କରିପାରେ । ପୂର୍ବରୁ ରଜନୀକାନ୍ତ ଜିଲ୍ଲା ସଭାପତି ଦାୟିତ୍ୱ ନେଇ ଦଳକୁ ସୁସଂଗଠିତ କରିବାରେ ବଡ଼ ଭୂମିକା ତୁଲାଇଥିଲେ । ଏଣୁ ଏଥିପାଇଁ ଦଳ ପୁଣିଥରେ ତାଙ୍କ ଉପରେ ଆସ୍ଥା ପ୍ରକଟ କରିଛି ବୋଲି ବିଶ୍ୱସ୍ତ ସୂତ୍ରରୁ ଜଣା ପଡ଼ିଛି । ମୁଖ୍ୟତଃ ଅନୁଗୁଳ ନିର୍ବାଚନ ମଣ୍ଡଳୀ ସହ ଜିଲ୍ଲାର ସମସ୍ତ ନିର୍ବାଚନ ମଣ୍ଡଳୀରେ ଦଳର ସ୍ଥିତି ସମ୍ବାଳିବାକୁ ହେଲେ ଜଣେ ବରିଷ୍ଠ ତଥା ଅଭିଜ୍ଞ ବ୍ୟକ୍ତିଙ୍କ ଦଳ ନେତୃତ୍ୱ ଆବଶ୍ୟକତା ଥିବାରୁ ଦଳ ଏଭଳି ଚିନ୍ତା କରୁଛି ବୋଲି ଜଣା ପଡ଼ିଛି । ତେବେ ରଜନୀକାନ୍ତ ସିଂହ ବର୍ତ୍ତମାନ ଉପ ବାଚସ୍ପତି ଥିବା ବେଳେ ଦଳର ଦାୟିତ୍ୱ ନେବାପାଇଁ ଖୁବ ଶୀଘ୍ର ଉପ ବାଚସ୍ପତି ପଦରୁ ଇସ୍ତଫା ଦେଇ ପାରନ୍ତି ବୋଲି ଚର୍ଚ୍ଚା ହେଉଛି । Advertisement
ରାଜ୍ୟ ସରକାର ସମ୍ପୂର୍ଣ୍ଣ ଓବିସି ବିରୋଧି – ସୁରଥ ବିଶ୍ବାଳ ଅନୁଗୁଳ – ବିଜେପି ଓବିସି ମୋର୍ଚ୍ଚା ରାଜ୍ୟ ସଭାପତି ସୁରଥ ବିଶ୍ବାଳ ଅନୁଗୁଳ ଜିଲ୍ଲା କାର୍ଯ୍ୟାଳୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ବିଜେଡି ସରକାର ଓବିସି ବିରୋଧୀ…
ବିଜେଡିରେ ବିଧିବିଧ ଭାବେ ସାମିଲ ହେଲେ ଡାକ୍ତର ପ୍ରତାପ ପାଣି ଅନୁଗୁଳ – (ଅନୁଗୁଳ ଅନଲାଇନ୍) – ଆଜି ଭୁବନେଶ୍ୱର ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏହି ମିଶ୍ରଣ ପର୍ବରେ ବିଜେଡିରେ ସାମିଲ…
ଦ୍ଵିତୀୟ ଥର ପାଇଁ ମହେନ୍ଦ୍ର ସଭାପତି , ଦିନେଶ୍ ଯୁବ ବିଜେଡି ସଭାପତି ଅନୁଗୋଳ – ଅନୁଗୋଳ ଜିଲ୍ଲା ସଭାପତି ଚୟନ ନେଇ ବିଜେଡି ଭିତରେ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟିଛି । କ୍ରମାଗତ ଦ୍ବିତୀୟ ଥର ପାଇଁ ମହେନ୍ଦ୍ର ବସ୍ତିଆଙ୍କୁ…