ଅନୁଗୋଳ – ଅନୁଗୋଳ ଜିଲ୍ଲା ଦେଇ ଯାଇଥିବା ଜାତୀୟ ରାଜପଥ ୫୫ର ବଡକେରା ଛକ ନିକଟରେ ବିଳମ୍ବିତ ରାତିରେ ଏକ ଟ୍ରଲରକୁ ଆମ୍ବ ବୋଝେଇ ପିକଅପ ଧକ୍କା ଦେବା ଫଳରେ ଜଣଙ୍କର ମୃତ୍ଯୁ ହୋଇଛି । ସୂଚନା ଅନୁସାରେ ଜରପଡା ଥାନା କୁଶକିଳା ଗ୍ରାମର ବୁବୁନ ବେହେରା ଏବଂ ତାଙ୍କ ହେଲ୍ପର ଵିକୁ ସାହୁ ପିକଅପ ଧରି କଟକ ଯାଉଥିବା ବେଳେ ବଡକେରା ଛକ ଠାରେ ଟ୍ରଲର ପଛରେ ପିକଅପ ଧକ୍କା ଦେଇଥିଲା । ଫଳରେ ବୁବୁନ୍ ଗୁରୁତର ହୋଇଥିଲେ ଏବଂ ବିକୁ ଆହତ ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିଲେ । ତେବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ବୁବୁନଙ୍କ ମୃତ୍ୟୁ ହୋଇଥିବା ବେଳେ ବିକୁ ଆହତ ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ହେଉଛନ୍ତି ।