ଅନୁଗୁଳ – ଗତ ଦୁଇ ଦିନ ତଳେ ଅନୁଗୁଳ ସହରରେ ଯୁବକଙ୍କୁ ଗୋଡାଇ ଗୋଡାଇ ଛୁରା ମାଡ ଘଟଣାର ପର୍ଦାଫାସ କରିଛି ପୁଲିସ । ଗାଡି ସାଇଡମରା କୁ ନେଇ ହୋଇଥିବା ଗଣ୍ଡଗୋଳ ଯୋଗୁଁ ଏଭଳି ଛୁରାମାଡ଼ କରା ଯାଇଥିବା ପୁଲିସ ସୂଚନା ଦେଇଛି । ଏହି ଘଟଣାରେ ପୁଲିସ ଜଣେ ନାବାଳକ ସମେତ ୧୦ ଜଣଙ୍କୁ ଗିରଫ କରିଛି ।
ସୂଚନା ଅନୁସାରେ ଗତ ୨୦୨୩ ମସିହାରେ ମାନପୁର ଗାଁର ସିଲୁ @ ଜଗନ ନାୟକ ମାଣପୁର, ଓ ବନ୍ତଳାର ବିଥଲ ମିଶି ବନ୍ତଳା କଲେଜରେ +୨ ଆର୍ଟସରେ ପାଠପଢୁଥିଲେ । ସେହି ସମୟରେ ବିଥଲ ତାର ବାଇକରେ ସାଇଡ଼ ମାରିବାରୁ ତାଙ୍କ ଦୁହିଙ୍କ ମଧ୍ୟରେ ଜଳି ଝଗଡା ହୋଇଥିଲା । ସେହି ସମୟରେ ବିଥଲର ଭାଇ ବିନୋଦ ସାହୁ ସିଲୁକୁ ପିଟାମରା କରିଥିଲା । ସେହି ଦିନଠାରୁ ବିନୋଦ ଓ ସିଲୁ ମଧ୍ୟରେ କଲି ଝଗଡା ଲାଗିରହିଥିଲା । ବିନୋଦ ସାହୁକୁ ସବୁବେଳେ ପାର୍ଥସାରଥୀ ପ୍ରଧାନ ସାହାଯ୍ୟ କରୁଥିଲା । ଯେଉଁଠି ବିନୋଦ ସିଲୁକୁ ଦେଖୁଥିଲା ତାକୁ କମେଣ୍ଟ ମାରୁଥିଲା ଓ ସେ ଅନଗୁଳକୁ ଆସି ପାର୍ଥ ସହିତ ମିଶି ତାକୁ ହଇରାଣ କରୁଥିଲା । ଗତ ୨୫.୦୧.୨୦୨୫ ରିଖ ଦିନ ୧୧ଟା ବେଳେ ସିଲୁ ଓ ଘୁଞ୍ଚାପାଳର ମାରି ଓରଫ ସମୟ ନାୟକ ଗୋଟିଏ ବାଇକରେ ଅନଗୁଳ ନୂଆବସ ଷ୍ଟାଣ୍ଡ ପଟେ ଯାଊଥିବା ବେଳେ ସେଠାରେ ପାର୍ଥସାରଥୀ ପ୍ରଧାନ ଓ ବିନୋଦ ସାହୁ ଗୋଟିଏ ବାଇକ ଧରି ଠିଆ ହୋଇ ସୁଶୀଲ ଭାଇ ସହିତ କଥା ହେଇ ଥିଲେ । ସେହି ସମୟରେ ବିନୋଦ ସିଲୁକୁ ଖରାପ ଭାଷାରେ ଗାଳିକଲା । ସିଲୁ ତାକୁ ପ୍ରତିବାଦ କରିବାରୁ ପାର୍ଥସାରଥୀ ପ୍ରଧାନ ଓ ବିନୋଦ ତାକୁ ଅସଭ୍ୟ ଭାଷାରେ ଗାଳିକରି ପିଟାମରା କରିଥିଲେ ଓ ଅନୁଗୁଳ ଆସିଲେ ଜୀବନରେ ମାରିଦେବାକୁ ଧମକ ଦେଇଥିଲେ । ଏଥିପାଇଁ ପାର୍ଥ ସାରଥିପ୍ରଧାନଙ୍କୁ ଜୀବନରେ ମାରିଦେବାକୁ ନିଷ୍ପତି ନେଇଥିଲା । ସେହିଦିନ ରାତିରେ ସେ ତାର ସାଙ୍ଗମାନଙ୍କୁ କହିବାରୁ ସେମାନେ ମିଶି ପାର୍ଥସାରଥି ପ୍ରଧାନକୁ ତାଙ୍କ ରାସ୍ତାରୁ ସଫା କରିଦେବାକୁ ସ୍ଥିର କରିଥିଲେ । ପାର୍ଥସାରଥୀ ପ୍ରଧାନ ପ୍ରତେକ ଦିନ ଅନଗୁଳ ଶିକ୍ଷକପଡ଼ାରେ ଥିବା ଅଲ୍ଟିମେଟ ଜିମକୁ ସକାଳ ୯.୩୦ରେ ପ୍ରକ୍ଟିସ କରିବାକୁ ଆସୁଥିବା ଜାଣି ଗତ ୨୭.୦୧.୨୦୨୫ ରିଖ ସକାଳ ୯.୦୦ ରେ ସିଲୁ, ଅନୁଗୁଳ ଘୁଞ୍ଚାପାଳର ମାରି ଓରଫ ସମୟ ନାୟକ,ବନ୍ଧୁ ଓରଫ ରାହୁଲ ନାୟକ,ଲିକୁ ଓରଫ ଲିକୁନ ନାୟକ ଓ ହାଡିଶାଳପଡ଼ାର ଜଣେ ନାବାଳକ ଓ ଅନ୍ୟ ୪ ଜଣ ମିଶି ଦୁଇଟି ସ୍କୁଟି ଓ ଦୁଇଟି ବାଇକରେ ଆସି ଅନୁଗୁଳ ଇକୋ ପାର୍କଠାରେ ଜଗି ରହିଥିଲେ । ସକାଳ ୧୦ରେ ପାର୍ଥସାରଥୀ ପ୍ରଧାନ ତାର ବୁଲେଟରେ ଜିମକୁ ଆସିଥିଲା । ଏବଂ ଜିମ ସାରି ଦିନ ପ୍ରାୟ ୧୧ଟା ୩୦ ବେଳେ ତାର ବୁଲେଟ ମୋଟରସାଇକେଲରେ ସେ ଓ ଆଉ ଗୋଟିଏ ପିଲା ମିଶି ମୁସଲିମପଡ଼ାଦେଇ ଡିଆଇସି ଛକ ଆଡକୁ ଯିବାର ଦେଖି ସେମାନେ ତାକୁ ପିଛା କରିଥିଲେ । ବାଟରେ ପାର୍ଥ ତାର ବୁଲେଟ ଅମଲାପଡ଼ା-ଗାନ୍ଧୀ ମାର୍ଗ ରୋଡ଼ରେ ଥିବା ପେଟ୍ରୋଲ ପମ୍ପ ସାମ୍ନାରେ ଥିବା ଗୋଟିଏ ଦୋକାନ ପାଖରେ ରଖି ସେ ଦୋକାନ ପାଖରେ ଠିଆ ହୋଇଥିବା ବେଳେ ସିଲୁ ତାର ପାଖରେ ଲୁଚାଇ ରଖୁଥିବା ଚାପଡରେ ପାର୍ଥର ପିଠିକୁ ଚୋଟ ପକାଇଥିଲା । ଏହାପରେ ରାହୁଲ ତା ହାତରେ ଧରି ଥିବା ଗୋଟିଏ ଚାପଡ଼ରେ ତାର ବେକକୁ ଚୋଟ ପଳାଇବା ବେଳେ ସେ ବୁଲି ପଡିବାରୁ ତାର ହାତରେ ଚୋଟ ବାଜିଥିଲା । ଏହାପରେ ସେମାନେ ସମସ୍ତେ ମିଶି ତାକୁ ଚୋଟ ପରେ ଚୋଟ ମାରି ଚାଲିଥିଲେ । ଏହି ଘଟଣାରେ ପୁଲିସ ଆଜି ଜଣେ ନାବାଳକ ସମେତ ୧୦ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ମାନଙ୍କ ମଧ୍ୟରେ ମାନପୁର ଗାଁର ସିଲୁ ନାଏକ , ଘୁଞ୍ଚାପାଳ ଗାଁର ମାରି ଓରଫ ସମୟ ନାଏକ , ଘୁଞ୍ଚାପାଳ ଗାଁର ରାହୁଲ ନାଏକ କଂସରା ଗାଁ ର ଭିକୁ ଓଲଫ ଲିପୂନ ନାଏକ , ଜଣେ ନାବାଳକ ଓ ଅନ୍ୟ ୫ ଜଣ ଅଛନ୍ତି । ସେମାନଙ୍କ ନିକଟରୁ ଗୋଟିଏ ବୁଲେଟ ମୋଟର ସାଇକେଲ , ଗୋଟିଏ ଏଫ ଜେଡ଼ ମୋଟରସାଇକେଲ , ଗୋଟିଏ ଆକ୍ଟିଭା , ଗୋଟିଏ ଅଭିଏଟୋର ସ୍କୁଟର , ୧୦ ଗୋଟି ମୋବାଇଲ ଫୋନ , ଦୁଇଟି ଚାପଡ଼ , ଗୋଟିଏ ଟାଙ୍ଗୀ ଏବଂ ୬ ହଜାର ୧୦୦ ଟଙ୍କା ଜବତ କରା ଯାଇଛି ।
