ଅନୁଗୁଳ – ଅନୁଗୁଳ ଜିଲ୍ଲା ପୁଲିସ ଓ ଅବକାରୀ ବିଭାଗରେ ଜବତ ହୋଇଥିବା ୭୩୯ କେଜି ଗଞ୍ଜେଇକୁ ପୋଡ଼ି ନଷ୍ଟ କରିଛି ଅନୁଗୁଳ ପୁଲିସ । ସୂଚନା ଅନୁସାରେ, ଜିଲ୍ଲାରେ ଅବକାରୀ ବିଭାଗ ଓ ପୁଲିସ ଦ୍ବାରା ବିଭିନ୍ନ ମାମଲାରେ ଜବତ ହୋଇଥିବା ଗଞ୍ଜେଇ ମାଲଖାନାରେ ଗଛିତ ହୋଇଥିଲା । ଏହି ସବୁ ମାମଲାର ରାୟ ପ୍ରକାଶ ପାଇବାପରେ ଜବତ ଗଞ୍ଜେଇକୁ ଜିଲ୍ଲା ଡ୍ରଗ ଡିସପୋଜାଲ କମିଟି ଦ୍ବାରା ଖୋର୍ଦ୍ଧାର ସାନି କ୍ଲିନ ପ୍ରାଇଭେଟ ଲିମିଟେଡ କମ୍ପାନୀ ଭିତରେ ଶୁକ୍ରବାର ଏହାକୁ ପୋଡି ନଷ୍ଟ କରାଯାଇଛି । ପୋଡ଼ିବା ବେଳେ ଅନୁଗୁଳ ଏସ୍ପି ସୁଧାଂଶୁ ଶେଖର ମିଶ୍ର, ଅବକାରୀ ଅଧିକ୍ଷକ ମଧୁସ୍ମିତା ନାୟକ, ରାଜ୍ୟ ଫରେନ୍ସିକ୍ ଲାବୋରେଟାରୀର ସାଇଣ୍ଟିଫିକ୍ ଅଫିସର ଲିପିକା ପ୍ରିୟଦର୍ଶିନୀ ରାଉତ ଓ ଡିଏସ୍ପି ଯୋଗେଶ୍ବରୀ ବେହେରା ପ୍ରମୁଖ ଉପସ୍ଥିତ ଥିଲେ ।