ଛେଣ୍ତିପଦା – ଅନୁଗୋଳ ଜିଲ୍ଲା ଛେଣ୍ତିପଦା ଥାନା ଅନ୍ତର୍ଗତ ଟାଙ୍ଗିରୀ ଗ୍ରାମ ଦେଇ ଗୋରୁ ଚାଲାଣ ବେଳେ ପୋଲିସ ଚଢ଼ାଉ କରି ୧୦୮ ଟି ଗୋରୁଙ୍କୁ ଉଦ୍ଧାର  କରିଛି । ଏହି ଚଢାଉ ବେଳେ ୫ରୁ ୬ ଜଣ ଗୋରୁ ଚାଲାଣକାରୀ ଫେରାର ହୋଇଥିବା ଜଣାପଡିଛି । ସୂଚନା ଅନୁସାରେ ବାଗଡିଆ ଅଞ୍ଚଳ ଦେଇ କିଛି ଦିନ ହେବ ବେଆଇନ ଭାବେ ଗୋ ଚାଲାଣ ହେଉଥିବା ପୋଲିସ ଖବର ପାଇଥିଲା । ଏହି ଖବର ପାଇ ପୋଲିସ ବିଳମ୍ବିତ ରାତିରେ ଚଢ଼ାଉ କରିଥିଲା । ଚାଲାଣକାରୀ ମାନେ ଶତାଧିକ ଗୋରୁଙ୍କୁ ଚଲାଇ ଚଲାଇ ନେଉଥିବା ବେଳେ ପୋଲିସ ପହଞ୍ଚି ଗୋରୁଙ୍କୁ ଉଦ୍ଧାର କରିଥିଲା । ପୋଲିସର ଏହି ଚଢାଉ ବେଳେ ଚାଲାଣକାରୀମାନେ ଦଉଡି ପଳେଇ ଯାଇଥିଲେ । ପୋଲିସ ଉଦ୍ଧାର ଗୋରୁଙ୍କୁ ନୂଆଗାଁ ସିମାନ୍ତରେ ଥିବା ଗୋଶାଳାରେ ରଖିବା ପାଇଁ ବ୍ୟବସ୍ଥା କରାଇବା ସହ ଏକ ମାମଲା ରୁଜୁ କରି ଅଧିକ ତଦନ୍ତ ଚଲାଇଛି ବୋଲି ପୋଲିସ ସୂଚନା ଦେଇଛି ।