ଅନୁଗୁଳ – ଅନୁଗୁଳ ଜିଲ୍ଲାରେ ପ୍ରଗତି କ୍ୟାବ ସେବା ଆରମ୍ଭ ହେବାକୁ ଯାଉଛି । କମ୍ ଖର୍ଚ୍ଚ , ସହଜ , ସୁରକ୍ଷିତ ଓ ସରଳ ଯାତାୟାତ ନିମନ୍ତେ ଅନୁଗୁଳରେ ପ୍ରଗତୀ କେବ୍ ସର୍ଭିସ କାର୍ଯ୍ୟ କରିବ । ଓଡ଼ିଶାର ବଡ ବଡ ସହର ଗୁଡିକରେ ବିଶେଷ କରି ଭୁବନେଶ୍ୱର ଓ କଟକରେ ଏ ସୁବିଧା ଉପଲବ୍ଧ ରହିଥିବା ବେଳେ ଅନ୍ୟ ଜିଲ୍ଲା ବା ଛୋଟ ସହର ଓ ଗ୍ରାମାଞ୍ଚଳରେ ଏହି ସୁବିଧା ନଥିବା କାରଣରୁ ଏହାର ସୁବିଧା ସୁଯୋଗ ନେବା ନିମନ୍ତେ ବର୍ତ୍ତମାନ ଅନୁଗୁଳରେ ଆରମ୍ଭ ହେବାକୁ ଯାଉଛି କେବ୍ ସର୍ଭିସ୍ । ଯାହାକି ଆନୁଷ୍ଠାନିକ ଭାବେ ଆଜି ସୁସୁଡା ସ୍ଥିତ କଲ୍ୟାଣ ମଣ୍ଡପରେ ଉଦଘାଟନ ହୋଇଯାଇଛି । ଏହି ଉଦଘାଟନି ଉତ୍ସବରେ ସମ୍ମାନୀତ ଅତିଥି ଭାବେ ଅନୁଗୁଳର ପୂର୍ବତନ ନଗରପାଳ ଶକ୍ତି ପ୍ରସାଦ ପଟ୍ଟନାୟକ , ବରିଷ୍ଠ ବିଜେପି ନେତା ପ୍ରତାପ ପ୍ରଧାନ , ଗଣେଶ ଟେଣ୍ଟ ହାଉସର ମୁଖ୍ୟ ଗଣେଶ୍ବର ମିଶ୍ର , ପ୍ରଗତୀ କେବ୍ ସର୍ଭିସ୍ ରାଷ୍ଟ୍ରୀୟ ସିଇଓ ରାଧାକୃଷ୍ଣ ପଣ୍ଡା ପ୍ରମୁଖ ଯୋଗ ଦେଇଥିଲେ । ସହର ଠାରୁ ଗ୍ରାମାଞ୍ଚଳ ପର୍ଯ୍ୟନ୍ତ ଯେ କୌଣସି ଯାଗାରେ ସ୍ମାର୍ଟ ଫୋନ ବ୍ୟବହାର କରୁଥିବା ବ୍ୟକ୍ତି ଏହି କେବ୍ ସର୍ଭିସ୍ ସେବା ପାଇ ପାରିବେ ବୋଲି ଅନୁଗୁଳ ପ୍ରଗତୀ କେବ୍ ସର୍ଭିସ୍ ମୁଖ୍ୟ ପଙ୍କଜ ମିଶ୍ର ପ୍ରକାଶ କରିଛନ୍ତି । ଏହାର ବ୍ୟବହାର ନିମନ୍ତେ ପଳେ ଷ୍ଟୋରରୁ pragati cab ଆପ୍ ଡାଉନଲୋଡ୍ କରି ସେଥିରୁ ଏହି ସେବାର ସୁଯୋଗ ନେଇପାରିବା ସହିତ 9777066371 , 7008542355 ଫୋନ୍ ନମ୍ବର ମାଧ୍ୟମରେ ମଧ୍ୟ ବୁକ୍ କରିପାରିବେ ବୋଲି ପଙ୍କଜ ମିଶ୍ର କହିଛନ୍ତି । ଏହି କାର୍ଯ୍ୟକ୍ରମକୁ ପତଞ୍ଜଳି ଯୋଗ ସମିତି ସଭାପତି ଅଭୟ ରାୟ ପରିଚାଳନା କରିଥିବା ବେଳେ ବିଜୟ ମିଶ୍ର ଉପସ୍ଥିତ ଗାଡି ମାଲିକ ଓ ଚାଳକ ମାନଙ୍କୁ କେବ୍ ସମ୍ପର୍କରେ ପ୍ରୋଜେକ୍ଟର ସାହାଯ୍ୟରେ ଅବଗତ କରାଇଥିଲେ । କାର୍ଯ୍ୟକ୍ରମକୁ ପର୍ଶୁରାମ ଦାଶ ଓ ଉତ୍ତାନୁପାଦ ମହାପାତ୍ର ସହଯୋଗ କରିଥିବା ବେଳେ ଗଣେଶ ଟେଣ୍ଟ ହାଉସ୍ ପପ୍ରୋପାଇଟର୍ ମନୋଜ କୁମାର ମିଶ୍ର ଧନ୍ୟବାଦ ଅର୍ପଣ କରିଥିଲେ ।