ଅନୁଗୁଳ – ଅନୁଗୁଳ ଜିଲ୍ଲାରେ ବ୍ୟାପକ ଶିଳ୍ପାୟନ ଓ ଖଣିଖାଦାନ ପାଇଁ ଅନୁଗୁଳ ସହରର ଜନସଂଖ୍ୟା ମଧ୍ୟ କ୍ରମାଗତ ଭାବେ ବୃଦ୍ଧି ପାଉଛି । ସେହି ଅନୁପାତରେ ଅନୁଗୁଳ ସଦରର ବଜାର , ପାରିବା ବଜାରରେ ନାହିଁ ନଥିବା ଭିଡ ହେଉଛି । ଲୋକ ମାନଙ୍କ ଭିଡ ସହ ଗାଡି ମୋଟର ରଖିବାରେ ମଧ୍ୟ ଅସୁବିଧା ହେଉଛି । ପାର୍କିଂ ପାଇଁ କୌଣସି ସ୍ଵତନ୍ତ୍ର ବ୍ୟବସ୍ଥା ନଥିବାରୁ ରାସ୍ତା ମଝିରେ ଲୋକ ଗାଡି ପାର୍କିଂ କରୁଛନ୍ତି । ଫଳରେ ବଜାର ଦେଇ ଯିବା ଆସିବାରେ ଲୋକ ହଇରାଣ ହେଉଛନ୍ତି । ଏହା ସହ ଦୈନିକ ବଜାରଟି ମଧ୍ୟ ଚାହିଦା ଅନୁସାରେ କମ ପଡିଲାଣି । ଉଭୟ ପାରିବା ଚାଷୀ , ବ୍ୟବସାୟୀ ଓ ଲୋକଙ୍କ ଗହଳି ବୃଦ୍ଧି ପାଇଛି । ଏହାକୁ ଆଖି ଆଗରେ ରଖି ଜିଲ୍ଲା ସଦର ମହକୁମାରେ ଏକ ଅତ୍ୟାଧୁନିକ ଦୈନିକ ପାରିବା ବଜାର ଓ ସ୍ଥାୟୀ ପାର୍କିଂ ପାଇଁ ଅନୁଗୁଳ ଜିଲ୍ଲା ଯୁବ ବିଜେଡି ସଭାପତି ଦିନେଶ ପ୍ରଧାନ ଆଜି ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁଙ୍କୁ ପ୍ରସ୍ତାବ ଦେଇଛନ୍ତି । ଆଉ ଜିଲ୍ଲାପାଳ ମଧ୍ୟ ଏଭଳି ଏକ ପ୍ରସ୍ତାବକୁ ସ୍ଵାଗତ କରିବା ସହ ସମାସୀ ପ୍ରତି କ୍ଦୃଷ୍ଟି ଦେବେ ବୋଲି ପ୍ରତିଶ୍ରୁତି ଦେଇଛନ୍ତି । ଏହା ସହିତ ଜାତୀୟ ରାଜପଥ ନିର୍ମାଣ ପାଇଁ ପ୍ରଭାବିତ ହୋଇଥିବା ବଅଁରପାଳ ବ୍ଲକର ତୁଳସୀପାଳ ପଂଚାୟତର ହାଇସ୍କୁଲ ଖେଳ ପଡିଆ କାର୍ଯ୍ୟକୁ ସମ୍ପୁର୍ଣ କରିବା ପାଇଁ ଜିଲ୍ଲାପାଳଙ୍କ ସହିତ ମଧ୍ୟ ଦିନେଶ ଆଲୋଚନା କରିଥିଲେ ।