ଅନୁଗୁଳ – ଅନୁଗୁଳ ଜିଲ୍ଲା ଦୁର୍ଗାପୁର ଗାଁରେ ଏକ ଅଜବ ମାମଲା ସାମ୍ନାକୁ ଆସିଛି। ପଶୁ ପ୍ରତି ମଣିଷର ଭଲପାଇବା କେତେ ଗଭୀର ତାହାର ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି। ଏଠାରେ ଏକ ବୁଲା କୁକୁରର ମୃତ୍ୟୁ ପରେ ୬ ଖଣ୍ଡ କାଠରେ କୋକେଇ ବନ୍ଧା ଯାଇଥିଲା । କଦଳୀ ଗଛ ଆଉ ଫୁଲରେ ସଜେଇ କୋକେଇରେ କୁକୁରକୁ ଶୁଆଇ ଗାଁ ମୁଣ୍ଡ ସ୍ମଶାନକୁ ନେଇ ଗାଁ ଲୋକେ ତା’ର ଅନ୍ତିମ ସଂସ୍କାର କରିଥିଲେ। ସୂଚନା ଅନୁସାରେ ଗାଁରେ ଏକ ବୁଲା କୁକୁର ଥିଲା । ଯାହାକୁ ସମସ୍ତେ ଚାଲନ୍ଦୁ ବୋଲି ଡାକୁଥିଲେ । ଚନ୍ଦୁ ଗାଁର ପ୍ରାୟ ସମସ୍ତଙ୍କ ପ୍ରିୟ ଥିଲା । ଡାକିଦେଲେ ଦଉଡି ଆସୁଥିଲା ପାଖକୁ । ଆଉ ଗାଁର ଯାହା ସହ ହେଉନା ତାହା ସହ ଘଷି ହୋଇ ଗେଲ ହେଉଥିଲା । ହେଲେ କୌଣସି କାରଣ ବଶତଃ ଆଜି କୁକୁରଟିର ମୃତ୍ୟୁ ହୋଇଥିଲା । ଯେଉଁଥିପାଇଁ ଗାଁ ଲୋକ ଦୁଃଖରେ ଭାଙ୍ଗି ପଡିଥିଲେ । ଆଉ ଶେଷରେ ମଣିଷ ଭଳି ଯଥା କୋକେଇରେ ନେଇ ଖଇ କଉଡ଼ି ବିଂଛି ସ୍ମଶାନକୁ ନେଇ ଯାଇଥିଲେ । ଆଉ ସେଠାରେ ଗାତ ଖୋଳି କୁକୁରର ଅଂତିମସଂସ୍କାର କରିଥିଲେ ।