ଅନୁଗୁଳ – କିଛି ଦିନ ତଳେ ଅନୁଗୁଳ ଜିଲ୍ଲାର ବିଭିନ୍ନ ସ୍ଥାନରୁ ଲୁଟ କରୁଥିବା ଏକ ଲୁଟେରା ଗ୍ଯାଙ୍ଗକୁ ଅନୁଗୁଳ ପୁଲିସ ଗିରଫ କରି କୋର୍ଟ ଚାଲାଣ କରିଥିଲା । ତେବେ କିଛିଦିଅନର ନିରବତା ପରେ ପୁଣି ଜିଲ୍ଲରେ ମାତିଛନ୍ତି ଲୁଟେରା । ମଙ୍ଗଳବାର ଦିନ ଦ୍ବିପହରରେ ଜଣେ ବ୍ୟବସାୟୀଙ୍କୁ ଧମକାଇ ୭୦ ହଜାର ଟଙ୍କା ଲୁଟି ନେଇଛନ୍ତି । ବନ୍ତଳା ଥାନା ବସଲା ଗାଁରେ ଆଜି ଦିନ ୨ଟା ବେଳେ ଏଭଳି ଲୁଟ୍ପାଟ୍ ହୋଇଛି । ସୂଚନା ଅନୁସାରେ, ବସଲା ଗାଁ ମୁଣ୍ଡରେ ବିନୋଦ ଦ୍ବିବେଦୀ ଏକ ଦୋକାନ କରିଥିଲାବେଳେ ୨ଟା ବେଳକୁ ଏକ କଳା ବୁଲେଟ୍ରେ ୩ ଜଣ ଦୁର୍ବୃତ୍ତ ସେଠାରେ ପହଞ୍ଚିଥିଲେ । କିଛି ସାମଗ୍ରୀ ମାଗିବା ବାହାନାରେ ସେମାନେ ଦୋକାନରେ ଥିବା ୭୦ ହଜାର ଟଙ୍କା ଲୁଟି ନେଇଥିଲେ । ବିନୋଦ ବିରୋଧ କରିବାରୁ ତାଙ୍କୁ ଧମକାଇ ସେମାନେ ଫେରାର୍ ହୋଇଯାଇଥିଲେ । ଏନେଇ ସେ ବନ୍ତଳା ଥାନାରେ ଅଭିଯୋଗ କରିବା ପରେ ପୁଲିସ ଛାନ୍ଭିନ୍ କରୁଛି ।
Advertisement
