ତାଳଚେର – ମହିଳାଙ୍କୁ କମେଣ୍ଟ ମାରିବା ସହ ତାଙ୍କ ସ୍ୱାମୀଙ୍କୁ ମାଡ଼ ମାରିବା ଅଭିଯୋଗରେ ଜଣେ ସରପଞ୍ଚଙ୍କୁ ଗିରଫ କରିଛି କୋଲିୟାରୀ ପୁଲିସ ।  ତାଳଚେର ପଦ୍ମାବତୀପୁର ସରପଞ୍ଚ ମହର୍ଗା ବେହେରାଙ୍କୁ ଆଜି ଗିରଫ କରି କୋର୍ଟ ଚାଲାଣ କରା ଯାଇଛି । ସୂଚନା ଅନୁସାରେ ତାଳଚେର ବଲଣ୍ଡା ଅଞ୍ଚଳର ସ୍ୱାମୀ ,ସ୍ତ୍ରୀ  ଘରକୁ ଫେରୁଥିବା ବେଳେ ବଲଣ୍ଡା ବଜାରରେ ଛିଡା ହୋଇଥିବା ସରପଞ୍ଚ ମହର୍ଗା ବେହେରା ମହିଳା ଜଣଙ୍କୁ କମେଣ୍ଟ ମାରିଥିଲେ । ଏହା ଦେଖି ମହିଳାଙ୍କ ସ୍ଵାମୀ ଏହାର ପ୍ରତିବାଦ କରିଥିଲେ । ଏଥିରେ ଉତକ୍ଷିପ୍ତ ହୋଇ ସରପଞ୍ଚ ମହିଳାଙ୍କ ସ୍ୱାମୀଙ୍କୁ ମାଡ ମାରିଥିଲେ ବୋଲି ଆଜି କୋଲିୟାରୀ ଥାନାରେ ଲିଖିତ ଅଭିଯୋଗ କରିଥିଲେ । ପୁଲିସ କେସ ନମ୍ବର ୪୧୯ ରେ ଏକ ମାମଲା ରୁଜୁ କରିବା ସହ ଦଫା ୩୫୪ଏ/୨୯୪/୩୨୩/୩୦୭/୩୪ ଆଇପିସିରେ ସରପଞ୍ଚଙ୍କୁ ଗିରଫ କରି କୋର୍ଟ ଚାଲାଣ କରିଛି ।