ଅନୁଗୁଳ – କେନ୍ଦ୍ର ସରକାରଙ୍କ ପକ୍ଷରୁ ତରବରିଆ ଭାବେ ଅଗ୍ନିପଥ ଯୋଜନା ଆଳରେ ଭାରତୀୟ ସେନାରେ ଚାରି ବର୍ଷିଆ ଚୁକ୍ତି ଭିତ୍ତିକ ନିଯୁକ୍ତି ପ୍ରଦାନ କରିବା ପାଇଁ ଯେଉଁ ଚେଷ୍ଟା ଚଳାଇଛନ୍ତି । ସେ ନେଇ ସାରା ଭାରତ ବର୍ଷରେ ଆନ୍ଦୋଳନ ଜାରି ରହିଛି । ଆଜି(ସୋମବାର) ପୂର୍ବାହ୍ନରେ ଅନୁଗୁଳ ବିଧାନସଭା ନିର୍ବାଚନ ମଣ୍ଡଳୀ ଓ ଛେଣ୍ଡିପଦା ବିଧାନସଭା ନିର୍ବାଚନ ମଣ୍ଡଳୀ ପକ୍ଷରୁ ମିଳିତ ଭାବେ ସ୍ଥାନୀୟ ତହସିଲ କାର୍ଯ୍ୟାଳୟ ସମ୍ମୁଖରେ ଜିଲ୍ଲା କଂଗ୍ରେସ କମିଟି ସଭାପତି ତଥା ବିଧାୟକ ପ୍ରାର୍ଥୀ ବିପ୍ଳବ ଜେନାଙ୍କ ଅଧ୍ୟକ୍ଷତାରେ ଏକ ସତ୍ୟାଗ୍ରହ ସଭା ଅନୁଷ୍ଠିତ ହୋଇଯାଇଛି । ନିର୍ବାଚନ ବେଳେ କେନ୍ଦ୍ରରେ ଶାସନ କରୁଥିବା ଭାରତୀୟ ଜନତା ପାର୍ଟି ଦେଶର ଛାତ୍ର ଓ ଯୁବକମାନଙ୍କୁ ବର୍ଷକୁ ଦୁଇ କୋଟି ନିଯୁକ୍ତି ଦେବାକୁ ପ୍ରତିଶ୍ରୁତି ଦେଇଥିଲେ ମଧ୍ୟ ସେମାନଙ୍କୁ ଚାକିରି ଦେବାକୁ ଅସମର୍ଥ ହେଲେ । ଆଗକୁ ଆଉ ଦୁଇ ବର୍ଷ ନିର୍ବାଚନ ଥିବାରୁ ଓ ଦେଶରେ ବେକାରୀ ସମସ୍ୟାର ଅହେତୁକ ବୃଦ୍ଧି ଚିନ୍ତାର କାରଣ ହୋଇଥିବାରୁ କେନ୍ଦ୍ର ସରକାର ଦେଶର ବେକାରୀ ଛାତ୍ର ଓ ଯୁବକମାନଙ୍କୁ ଲଲୀପପ୍ ଭଳି ଅଗ୍ନିପଥ ଯୋଜନାରେ ଚାରି ବର୍ଷିଆ ନିଯୁକ୍ତି ଦେବାକୁ ଯୋଜନା କରିଛି । ଭାରତୀୟ ସେନାରେ ଚାରି ବର୍ଷ ନିଯୁକ୍ତି ପରେ ଅବସର ନେଇ ଦେଶରେ ଅସ୍ଥିରତା ସୃଷ୍ଟି କରିବା ପାଇଁ କେନ୍ଦ୍ର ସରକାର ଯେଉଁ ଅପଚେଷ୍ଟା ଚଳାଇଛି ବୋଲି କଂଗ୍ରେସ ଅଭିଯୋଗ କରିଛି । ଏହିଭଳି ଶାନ୍ତିପୂର୍ଣ୍ଣ ଭାବରେ ସତ୍ୟାଗ୍ରହ କରି ଏଭଳି ପ୍ରବଞ୍ଚନା ଭରା ନିଯୁକ୍ତିକୁ ବିରୋଧ କରିବା ସହ ସରକାର ପ୍ରତ୍ୟାହାର କରିବା ପାଇଁ ଆପ୍ରାଣ ଚେଷ୍ଟା କଂଗ୍ରେସ ଜାରି ରଖିବ ବୋଲି ବିଭିନ୍ନ ବକ୍ତାମାନେ ମତବ୍ୟକ୍ତ କରିଥିଲେ ।
Advertisement
