ଅନୁଗୁଳ – ଅନୁଗୁଳ ଜିଲ୍ଲାର ମୁଖ୍ୟ ପାର୍କ ନିକଟରୁ ୪୨ ଗ୍ରାମ ବ୍ରାଉନସୁଗାର ଜବତ ହୋଇଥିବା ବେଳେ ଜଣଙ୍କୁ ଗିରଫ କରା ଯାଇଛି । ଗିରଫ ଅଭିଯୁକ୍ତ ପ୍ରଦୀପ କୁମାର ବେହେରା ଦୀର୍ଘଦିନ ହେଲା ବ୍ରାଉନସୁଗାର କାରବାର କରି ଆସୁଥିବା ବେଳେ ଅବକାରୀ ବିଭାଗର ସ୍କାନରରେ ରହିଥିଲା । ହେଲେ ଆଜି ପ୍ରଦୀପ ବ୍ରାଉନସୁଗାର ନେଇ ଅନୁଗୁଳ ଶିକ୍ଷକପଡାସ୍ଥିତ ଇକୋ ପାର୍କ ନିକଟରେ ଗରାଖ ଅପେକ୍ଷାରେ ଥିବା ଖବର ପାଇ ଅବକାରୀ ବିଭାଗ ପହଞ୍ଚି ଯାଇଥିଲା । ତୁରନ୍ତ ପ୍ରଦୀପକୁ କାବୁ କରିନେଇ ଯାଞ୍ଚ କରିବା ବେଳେ ତା ନିକଟରୁ ୪୨ ଗ୍ରାମ ବ୍ରାଉନସୁଗାର ଜବତ ହୋଇଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୪.୨ ଲକ୍ଷ ଟଙ୍କା ହେବ ବୋଲି ଜଣା ପଡିଛି । ତା ନିକଟରୁ ଏକ ଦାମୀ ମୋଟରସାଇକେଲ ମଧ୍ୟ ଜବତ କରା ଯାଇଛି । ସେହିଭଳି ଅନୁଗୁଳ ହେମସୁରପଡା ଠାରୁ ନରେନ୍ଦ୍ର ସ୍ଵାଇଁ ନାମକ ଜଣେ ବ୍ୟକ୍ତିଙ୍କ ଠାରୁ ୩ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ । ଯାହାର ଆନୁମାନିକ ମୂଲ୍ୟ ୩୦ ହଜାର ଟଙ୍କା ହେବ ।