ତାଳଚେର – ଅନୁଗୁଳ ଜିଲ୍ଲା ତାଳଚେର ସାଉଥବଲଣ୍ଡାର ଏକ କ୍ବାଟରରରେ ବିଳମ୍ବିତ ରାତିରେ ଏକ ବଡ ଧରଣର ଚୋରି ହୋଇଛି । କ୍ବାଟରର କବାଟ ଭାଙ୍ଗି ୪ ଲକ୍ଷ ୧୦ ହଜାର ଟଙ୍କା , ୭୧ ଭରି ସୁନା ,୨୧ ଭରି ରୁପା ଚୋରି କରି ନେଇ ଯାଇଛନ୍ତି ଦୁର୍ବୃତ୍ତ । ସୂଚନା ଅନୁସାରେ ନତଡା ଗାଁର ସୁଦର୍ଶନ ନାୟକ ଏମ୍ ସି ଏଲ୍ ରେ ଚାକିରୀ କରୁଥିବା ବେଳେ ସାଉଥବଲଣ୍ଡାର କ୍ୱାଟର ନମ୍ବର ବି- 52 ରେ ରୁହନ୍ତି । ତେବେ ଗତକାଲି ସେ ରାକ୍ଷୀ ପୂର୍ଣ୍ଣିମା ଉପଲକ୍ଷେ କ୍ୱାଟରରେ ତାଲା ପକାଇ ନତଡା ଗାଁକୁ ଯାଇଥିଲେ । ଆଜି ସକାଳେ ସେ କ୍ବାଟରକୁ ଫେରି କାଵଟ ଭଙ୍ଗା ଯାଇଥିବା ଦେଖିଥିଲେ । ଭିତରକୁ ଯାଇ ଦେଖିବା ବେଳକୁ ଘରର ଆଲମାରୀ ଓ ଅନ୍ୟାନ୍ୟ ଆସବାଵ ପତ୍ର ଭଙ୍ଗା ହୋଇଥିବା ବେଳେ ଲକ୍ଷାଧିକ ଟଙ୍କା , ଘରେ ଥିବା ସୁନା ଓ ରୁପା ଅଳଙ୍କାର ଚୋରି ହୋଇଥିବା ଜାଣିବାକୁ ପାଇଥିଲେ । ଏ ନେଇ ସେ କୋଲିଆରୀ ଥାନାରେ ଅଭିଯୋଗ କରିବା ପରେ ପୁଲିସ ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ସହାୟତାରେ ତଦନ୍ତ ଆରମ୍ଭ କରିଛି । ତେବେ କବାଟ ଭାଙ୍ଗି ଘରେ ପଶି ଏତେ ବଡ଼ ଚୋରି ଘଟଣା ଅଞ୍ଚଳରେ ଚର୍ଚ୍ଚା ର ବିଷୟ ପାଲଟିଛି ।
Advertisement
