ଅନୁଗୋଳ – ଅନୁଗୋଳ ଜିଲ୍ଲା ଆଠମଲ୍ଲିକ ଅଞ୍ଚଳରେ ଏସ.ଟି.ଏଫ. ଚଢ଼ାଉ କରି ୧୬୧ କେଜି ଗଞ୍ଜେଇ ଜବତ କରିବା ସହ ବେଆଇନ ଗଞ୍ଜେଇ ମହଜୁଦ ରଖିବା ଅଭିଯୋଗରେ ତିନି ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ଆଠମଲ୍ଲିକ ଚନ୍ଦ୍ରପୁର ଗାଁର ସଂକୀର୍ତ୍ତନ ଉର୍ମାଙ୍କ ପୁଅ ଶର୍ମିତ ଉର୍ମା , ମାଧପୁରର ସୁରେଶ ବେହେରାଙ୍କ ପୁଅ ରୋହିତ ବେହେରା ଓ ରାଉତପଡା ଗାଁର ଘନଶ୍ୟାମ ଦିପଙ୍କ ପୁଅ ସୁନୀଲ ଦିପ । ସୂଚନା ଅନୁସାରେ ଏଜି ତିନି ଜଣ ଆଠମଲ୍ଲିକ ଚନ୍ଦ୍ରପୁର ଠାରେ ଗଞ୍ଜେଇ ମହଜୁଦ ରଖିଥିବା ଏସ.ଟି.ଏଫ.କୁ ଖବର ମିଳିଥିଲା । ଆଉ ଏଥିପାଇଁ ଏସ.ଟି.ଏଫ. ଅନୁଗୋଳ ପୁଲିସ ସହାୟତାରେ ଚଢ଼ାଉ କରି ଏହି ଗଞ୍ଜେଇ ଜବତ କରିବାକୁ ସକ୍ଷମ ହୋଇଥିଲା । ଆଠମଲ୍ଲିକ ଥାନାରେ କେସ ନମ୍ବର ୧୮୧ ରେ ଏକ ମାମଲା ରୁଜୁ କରାଯାଇ ଉପରୋକ୍ତ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।