ଅନୁଗୋଳ – ଅନୁଗୋଳ ଜିଲ୍ଲା ମହିଧରପୁର ଅଞ୍ଚଳରେ ଜଣେ ବ୍ୟକ୍ତିଙ୍କର ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ ବ୍ୟକ୍ତି ଜଣକ ହେଲେ କୁମୁରିସିଂହା , ବଡ଼ବାହାଳ ଅଞ୍ଚଳର ୪୨ ବର୍ଷୀୟ ପ୍ରଦ୍ୟୁମ୍ନ ସ୍ୱାଇଁ । ସୂଚନା ଅନୁସାରେ ପ୍ରଦ୍ୟୁମ୍ନ ମହିଧରପୁରରେ ରହୁଥିବା ତାଙ୍କ ଝିଆରୀ ଘରକୁ ଯାଇଥିଲେ । ସେଠାରୁ ସେ ଘରକୁ ଆସିବା ପାଇଁ ମହିଧରପୁର ଛକ ନିକଟରେ ସକାଳ ୯ ଟା ବେଳେ ବସକୁ ଅପେକ୍ଷା କରିଥିଲେ । ତେବେ ଆଜି ଜିଲ୍ଲାରେ ତାପମାତ୍ରା ଅଧିକ ଥିବା ବେଳେ ଖରାର ପ୍ରକୋପ ସହି ନ ପାରି ସେ ସେଠାରେ ଚେତାଶୂନ୍ୟ ହୋଇ ପଡି ଯାଇଥିଲେ । ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ତାଙ୍କ ମୃତ୍ୟୁ ଅଂଶୁଘାତ ଜନିତ ବୋଲି ପରିବାର ଲୋକ ଅଭିଯୋଗ କରିଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ଜଣା ପଡିବ ବୋଲି ଚିକିତ୍ସାଳୟ ପକ୍ଷରୁ ସୂଚନା ମିଳିଛି ।
Advertisement
