ପାଲଲହଡା – ଅନୁଗୁଳ ଜିଲ୍ଲା ପାଲଲହଡା ଥାନା ଅନ୍ତର୍ଗତ ଶିଗଡ଼ ପଞ୍ଚାୟତର ନନ୍ଦିନୀପାଲି ଗାଁରେ ଗତ ଗୁରୁବାର ଅର୍ଥାତ ୨୦ ତାରିଖ ସନ୍ଧ୍ୟା ରେ ୩୨ ବର୍ଷୀୟ ବିବାହିତ ମହିଳାଙ୍କୁ ଅତି ବିଭତ୍ସ ଭାବେ ଦୁଷ୍କର୍ମ ଓ ହତ୍ୟା ମାମଲାରେ ପୁଲିସ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ସେହି ନନ୍ଦିନୀପାଲି ଗାଁର ଅଜୁ ନାଏକ (୨୦) ବୋଲି ପୁଲିସ ସୂଚନା ଦେଇଛି । କୋର୍ଟ ଚାଲାଣ ପରେ ଅଭିଯୁକ୍ତର ଜାମିନ ନାମଞ୍ଜୁର ହେବାରୁ ତାକୁ ଜେଲ ହାଜତ କୁ ପଠା ଯାଇଛି । ମହିଳାଙ୍କ ମୃତଦେହ ଅଙ୍ଗନବାଡି କେନ୍ଦ୍ରରୁ ଠାବ ହେବାପରେ ଡଗ ସ୍କ୍ୱାର୍ଡ ଠାରୁ ଆରମ୍ଭ କରି, ସାଇଣ୍ଟିଫିକ ଟିମ ପର୍ଯ୍ୟନ୍ତ ଘଟଣା ସ୍ଥଳରେ ପହଂଚି ବିଭିନ୍ନ ନମୁନା ସଂଗ୍ରହ କରିଥିଲେ ।
ମହିଳା ରମ୍ଭା ନାୟକଙ୍କ ମୃତଦେହ ନିକଟରେ ପଡ଼ିଥିବା ଅନ୍ତ ନଳୀ ଓ ଗର୍ଭାଶୟ ରୁ ପ୍ରଥମେ ଏହା ଗଣ ଦୁଷ୍କର୍ମ ବୋଲି ଆଶଙ୍କା କରାଯାଉଥିଲା । ଏତେ ସବୁ ପ୍ରଶ୍ନ ଉପରୁ ପରଦା ହଠାଇଛି ପାଲଲହଡା ପୋଲିସ । ସୋମବାର ସୁଦ୍ଧା ତଦନ୍ତ ଅନୁସାରେ ଅଜୁ ନାଏକ ହିଁ ରମ୍ଭା ନାୟକକୁ ଧର୍ଷଣ କରିବା ପରେ ବିଭତ୍ସ ଭାବେ ହତ୍ୟା କରିଛି ବୋଲି ତଦନ୍ତ କାରି ଅଫିସର ପାଲଲହଡା ଏସଡିପିଓ କୈଳାଶ ଚନ୍ଦ୍ର ସେଠି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
