ଅନୁଗୁଳ – ଅନୁଗୁଳ ବନଖଣ୍ଡ ଜରପଡା ରେଞ୍ଜ ଅନ୍ତର୍ଗତ ଅନ୍ତୁଳିଆ ଗ୍ରାମରେ ଆଜି କୁକୁର ଆକ୍ରମଣରେ ଏକ ହରିଣର ମୃତ୍ୟୁ ହୋଇଛି । ସୂଚନା ଅନୁସାରେ ଜରପଡା ବନାଞ୍ଚଳ ଅନ୍ତୁଳିଆ ଜଙ୍ଗଲରୁ ଆଜି ଦିନ ପ୍ରାୟ ସାଢେ଼ ବାରଟା ବେଳେ ଏକ ମାଈ ହରିଣ ଗୋଟାଏ ବେଳେ ଗାଁ ଆଡକୁ ପଳାଇ ଆସିଥିଲା । ଏହି ସମୟରେ ଗାଁ ର ବୁଲା କୁକୁର  ହରିଣକୁ ଦେଖି ଗୋଡ଼ାଇଥିଲେ । ହରିଣଟି ଭୟରେ ଗାଁ ପୋଖରୀ ଆଡକୁ ପଳାଉଥିବା ବେଳେ କୁକୁର ମାନେ ତାକୁ ଆକ୍ରମଣ କରିଥିଲେ । କୁକୁର ମାନଙ୍କ ଆକ୍ରମଣରେ ଘଟଣା ସ୍ଥଳରେ ହିଁ ହରିଣର ମୃତ୍ୟୁ ହୋଇଥିଲା । ମୃତ ହରିଣର ବୟସ ପ୍ରାୟ ୩ ବର୍ଷ ବୋଲି ଜଣା ପଡିଛି । ଖବର ପାଇ ବନ ବିଭାଗର କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ମୃତ୍ୟୁ ହରିଣର ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛନ୍ତି ।