ପାଲଲହଡା – ଅନୁଗୋଳ ଜିଲ୍ଲା ପାଲଲହଡା ବ୍ଲକ ପେଚାମୁଣ୍ଡି ଗ୍ରାମରେ ଘରେ ଶୋଇଥିବା ବେଳେ ପବିତ୍ର ନାଏକ ନାମକ ଜଣେ ବିବାହିତ ଯୁବକକୁ ବଣୁଆ ଦନ୍ତା ହାତୀ ଟାଣିନେଇ ଦଳି ମାରି ଦେଇଥବା ଜଣାଯାଇଛି । ସୁଚନା ଅନୁସାରେ ରାତି ପ୍ରାୟ ୩ଟା ବେଳେ ହାତୀ ଘର ସମ୍ମୁଖରେ ଥିବା ଏକ ପଣସ ଗଛରୁ ପଣସ ଖାଉଥିଲା । ଏତିକି ବେଳେ ପବିତ୍ର ଉଠିପଡ଼ି ହାତୀ ଉପରେ ଟର୍ଚ୍ଚ ଲାଇଟ ପକେଇ ଥିଲେ । ଟର୍ଚ୍ଚ ଲାଇଟ ହାତୀ ଉପରେ ପଡିବା ପରେ ବଣୁଆ ହାତୀଟି ହଠାତ ଦୌଡି ଆସି ପବିତ୍ରଙ୍କୁ ଟାଣିନେଇ ମାରିଦେଇଥିଲା । ଯାହାଫଳରେ ଘଟଣା ସ୍ଥଳରେ ପବିତ୍ରଙ୍କର ମୃତ୍ୟୁ ଘଟିଥିଲା । ପରିବାର ଲୋକେ ଏ ନେଇ ବନ ବିଭାଗକୁ ଖବର ଦେବା ପରେ ବନବିଭାଗ ଓ ପାଲଲହଡା ପୁଲିସ ଘଟଣା ସ୍ଥଳରେ ପହଂଚି ତଦନ୍ତ କରିଛି ।