ଅନୁଗୁଳ – ଆହତ କଲରାପତରିଆ ବାଘ ଉଦ୍ଧାର । ଅନୁଗୁଳ ଜିଲ୍ଲା ସାତକୋଶିଆ ଅଭୟାରଣ୍ୟରେ ଫାଶରେ ଲାଗି ଆହତ ହୋଇଥିବା ଖବର ପାଇ ବନ ବିଭାଗ ଏହି ବାଘକୁ ଉଦ୍ଧାର କରାଯାଇଛି । ସୂଚନା ଅନୁସାରେ ସାତକୋଶିଆର ବଲଙ୍ଗ ଅଞ୍ଚଳରେ ଏକ କଲରାପତରିଆ ବାଘ ଫାଶରେ ପଡିଥିବା ଖବର ମିଳିଥିଲା । ଖବର ପାଇ ବନ ବିଭାଗ ଘଟଣା ସ୍ଥଳରେ ପହଞ୍ଚି ବାଘକୁ ଠାବ କରିବା ବାଘକୁ ଅୟତକୁ ଆଣିଥିଲା । ବାଘ ଦେହରୁ ଫାଶ ଖୋଲିବା ସହ ବାଘ ଦେହରେ କ୍ଷତ ହୋଇଥିବା ଦେଖିବାକୁ ପାଇଥିଲେ । ଫାଶ ଲାଗି ଦେହରେ କ୍ଷତ ହୋଇଥିବା ଜଣା ପଡିବା ପରେ ତାର ଚିକିତ୍ସା କରା ଯାଇଥିଲା । ପରେ ବାଘକୁ ସାତକୋଶିଆର ରାଇଗୁଡା ଅଞ୍ଚଳରେ ଛଡା ଯାଇଥିବା ବେଳେ ତାହା ଉପରେ ବନବିଭାଗ ନଜର ରଖିଛି ।