ମୁଖ୍ୟ ଖବର ରେଞ୍ଜରଙ୍କ ମାଡରେ ବନ କର୍ମଚାରୀ ଗୁରୁତର ଅଭିଯୋଗ Angul OnlineJanuary 16, 2023January 16, 2023 ପାଲଲହଡା – ରେଞ୍ଜରଙ୍କ ମାଡରେ ଜଙ୍ଗଲ ଜଗୁଆଳି ଗୁରୁତର ହୋଇଥିବା ଅଭିଯୋଗ ହୋଇଛି । ଗୁରୁତର ଜଗୁଆଳିଙ୍କୁ ଖମାର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ଜଣା ପଡ଼ିଛି I ଏ ନେଇ ଜଗୁଆଳିଙ୍କ ସ୍ତ୍ରୀ ଥାନାର ଦ୍ୱାରସ୍ଥ ହୋଇଥିବା ମଧ୍ୟ ଜଣା ପଡ଼ିଛି । ସୂଚନା ଅନୁସାରେ ଅନୁଗୁଳ ଜିଲ୍ଲା ଖମାର ଥାନା ସାନଧଉରାଗୋଠ ଗାଁର ସୁଶାନ୍ତ କୁମାର ବେହେରା ୧୫ ବର୍ଷ ହେଲା ଜଙ୍ଗଲ ବିଭାଗର ପାରାଫରେଷ୍ଟ ଭାବରେ କାମ କରୁଛନ୍ତି । ତେବେ ଖମାର ବନାଞ୍ଚଳ ରେଞ୍ଜର ଚନ୍ଦ୍ର ଶେଖର ଗଡ଼ନାୟକ ଆସିବା ପରେ ସେ ସୁଶାନ୍ତଙ୍କୁ ରୋଷେଇ କରିବା ଦାୟିତ୍ୱରେ ଲଗାଇଛନ୍ତି । ତେବେ ସୋମବାର କୌଣସି କାରଣକୁ ନେଇ ରେଞ୍ଜର ଚନ୍ଦ୍ର ଶେଖର ଅସଭ୍ୟ ଭାଷାରେ ଗାଳି କରିବା ସହ ସୁଶାନ୍ତଙ୍କୁ ମାଡ଼ ମାରିଥିବା ନେଇ ସୁଶାନ୍ତଙ୍କ ସ୍ତ୍ରୀ ଗୋଲାପ ଅଭିଯୋଗ କରିଛନ୍ତି । ରେଞ୍ଜରଙ୍କ ମାଡରେ ସୁଶାନ୍ତ ଚେତାଶୂନ୍ୟ ଅବସ୍ଥାରେ ଗୁରୁତର ହୋଇ ପଡ଼ିଥିବା ବେଳେ ସାଥି କର୍ମଚାରି ମାନେ ସୁଶାନ୍ତଙ୍କ ୧୦୮ ଆମ୍ବୁଲାନ୍ସରେ ଖମାର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ପୂର୍ବରୁ ମଧ୍ୟ ରେଞ୍ଜର ତାଙ୍କ ସ୍ୱାମୀଙ୍କୁ ମାଡ ମାରିଥିବା ଗୋଲାପ ଖମାର ଥାନା ରେ ଅଭିଯୋଗ କରିବା ସହ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ତେବେ ଏ ନେଇ ରେଞ୍ଜର ଚନ୍ଦ୍ର ଶେଖର ଗଡ଼ନାୟକଙ୍କ ପ୍ରତିକ୍ରିୟା ମିଳି ପାରି ନାହିଁ । Advertisement
ଗାଈ ମୃତ୍ୟୁକୁ ନେଇ ଉତ୍ତେଜନା ଅନୁଗୁଳ – ଅନୁଗୁଳ ଜିଲ୍ଲା ବଅଁରପାଳ ଥାନା ମହିଧରପୁର ଗ୍ରାମ ଶାଳବଣି ସାହି ଠାରେ ଥିବା ଏକ କୁକୁଡ଼ା ଫାର୍ମରେ ବିଛା ଯାଇଥିବା ଉଚ୍ଚ ୧୧କେଭି ବିଦ୍ୟୁତ…
ଜାତୀୟ ରାଜପଥ ୫୫ ପାଇଁ ଗଣଧାରଣା ଅନୁଗୁଳ – ଅନୁଗୁଳ ଦେଇ ଯାଇଥିବା ଜାତୀୟ ରାଜପଥ ୫୫ ର ଅବସ୍ଥା ଶୋଚନୀୟ ହୋଇ ପଡିଛି । ଦୀର୍ଘ ବର୍ଷ ହେଲା ରାସ୍ତାର ମରାମତି କରା…
ଜାଲ ପ୍ରମାଣପତ୍ରରେ ପିଇଟି ଚାକିରି ଘଟଣା – ମହିଳା ପିଇଟି ଗିରଫ ଅନୁଗୁଳ – ଅନୁଗୁଳ ଜିଲ୍ଲାର ବିଭିନ୍ନ ସ୍କୁଲରେ ଜାଲ ପ୍ରମାଣପତ୍ର ଦେଇ ପିଇଟି ଚାକିରି କରିଥିବା ନେଇ ଅନୁଗୁଳ ଥାନାରେ ଅନୁଗୁଳ ଜିଲ୍ଲା ଶିକ୍ଷାଧିକାରୀ ନିରଞ୍ଜନ ସାହୁ ଅଭିଯୋଗ…