ଛେଣ୍ଡିପଦା – ଅନୁଗୁଳ ଜିଲ୍ଲା ବାଗଡିଆ ଥାନା ବୁଢାପାଳ- ଛେଣ୍ତିପଦା ଜାତୀୟ ରାଜପଥ ୧୫୩(ବି)ର ନୂଆପଡା ଗାଁ ନିକଟରେ ଥିବା କାଜୁ ବଗିଚା ଠାରୁ ଜଣେ ମେଡିସିନ ରିପ୍ରେଜେଣ୍ଟିଭଙ୍କୁ ଲୁଟ । ଦୁଇ ଜଣ ଦୁର୍ବୃତ୍ତ ମୋଟରସାଇକେଲରେ ଆସି କଟୁରୀରେ ଆକ୍ରମଣ କରି ଦୁର୍ବୁତ୍ତ ମାନେ ୮୦ ହଜାର ଟଙ୍କା ଲୁଟି ନେଇ ଥିବା ଜଣା ପଡିଛି l ସୁଚନା ଅନୁସାରେ ଅନୁଗୁଳ ସୌଭାଗ୍ୟନଗର ଅଞ୍ଚଳର ସାଇଶ୍ରୀ ଫାର୍ମାସିଟିକାଲ ନାମକ ହଳସେଲର ସଂସ୍ଥାର ମାଲିକ ସମିର କୁମାର ଦାସ ବୁଢାପାଳ ଅଞ୍ଚଳକୁ ମେଡିସିନ ଟଙ୍କା ଆଦାୟ କରି ଅନୁଗୁଳ ଫେରୁଥିଲେ l ତେବେ ବୁଢାପାଳ- ଛେଣ୍ତିପଦା ରସ୍ତାର ନୁଆପଡା କାଜୁ ବଗିଚା ଠାରେ ଏକ ପଲସର ମୋଟରସାଇକେଲରେ ଦୁଇ ଜଣ ହେଲମେଟ ପିନ୍ଧା ଦୁର୍ବୃତ୍ତ ଆସି କଟୁରୀରେ ସମିରଙ୍କ ଗୋଡରେ ଅକ୍ରମଣ କରିବା ସହ ମୋବାଇଲ ଟିକୁ ଭାଙ୍ଗି ଦେଇଥିଲେ । ତାଙ୍କୁ ଭୟଭୀତ କରାଇ ତାଙ୍କ ନିକଟରେ ଥୁବା ନଗଦ ୮୦ ହଜାର ଟଙ୍କା ଲୁଟି ନେଇ ଫେରାର ହୋଇ ଯାଇଥିଲେ । ସମିର ରକ୍ତାକ୍ତ ହୋଇ ଛେଣ୍ତିପଦା ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେବା ପରେ ବାଗଡିଆ ଥାନରେ ଲିଖିତ ଅଭିଯୋଗ କରିଛନ୍ତି l ପୁଲିସ ଉକ୍ତ ଅଭିଯୋଗକୁ ଭିତିକରି ଘଟଣାର ଛାନଭିନ ଚଲାଇଛି ।
Advertisement
