ଆଞ୍ଚଳିକ ରାଷ୍ଟ୍ରୀୟ ଯୁବ ସଂଗଠନର ରାଷ୍ଟ୍ରୀୟ ସଂଯୋଜକ ଅନୁଗୁଳ ଆସିବେ Angul OnlineAugust 18, 2021August 18, 2021 ଅନୁଗୁଳ – ଆଗାମୀ ଅଗଷ୍ଟ କୋଡିଏ ତାରିଖରେ ସର୍ବୋଦୟ ବିଚାରର ଯୁବ ବାହିନୀ ରାଷ୍ଟ୍ରୀୟ ଯୁବ ସଂଗଠନର ପ୍ରାଦେଶିକ କାର୍ଯ୍ୟକାରିଣୀ ଅନୁଗୁଳସ୍ଥିତ ବାଜି ରାଉତ ଛାତ୍ରାବାସ ପରିସରରେ ଆୟୋଜିତ ହେବ । କୋଭିଡ ନିୟମ ପାଳନ କରି ରାଜ୍ୟର ପ୍ରତି ଜିଲ୍ଲାରୁ ସଂଗଠନର ପଦାଧିକାରୀମାନେ ଏଥିରେ ଯୋଗ ଦେବେ । ସଂଗଠନର ନବ ନିର୍ବାଚିତ ରାଷ୍ଟ୍ରୀୟ ସଂଯୋଜକ ଅଜମତ ଖାଁ ଏହି ଅବସରରେ ଅନୁଗୁଳଠାରେ ପହଞ୍ଚି ରାଜ୍ୟ କାର୍ଯ୍ୟକାରିଣୀରେ ଉଦବୋଧନ ଦେବେ । ସଂଗଠନର ରାଷ୍ଟ୍ରୀୟ କାର୍ଯ୍ୟକ୍ରମ ବାବଦରେ ମଧ୍ୟ ସେ ସୂଚନା ପ୍ରଦାନ କରିବେ । ଏଥିସହ ସେ ସଂଗଠନର ଆଦର୍ଶ ନବକୃଷ୍ଣ ଚୌଧୁରୀ ଓ ମାଳତୀ ଦେବୀଙ୍କ ସ୍ମୃତି ପୀଠରେ ଭକ୍ତି ଅର୍ଘ୍ୟ ଅର୍ପଣ କରିବାର କାର୍ଯ୍ୟକ୍ରମ ମଧ୍ୟ ରହିଛି । ତାଙ୍କ ସହ ସଂଗଠନର ପ୍ରାକ୍ତନ ରାଷ୍ଟ୍ରୀୟ ସଂଯୋଜକ ଡା॰ ବିଶ୍ଵଜିତ ଏହି କାର୍ଯ୍ୟକ୍ରମରେ ଯୋଗ ଦେବେ । ସମସ୍ତ ପ୍ରାକ୍ତନ ପ୍ରାଦେଶିକ ସଂଯୋଜକମାନେ ମଧ୍ୟ ଯୋଗ ଦେବେ ବୋଲି କର୍ମକର୍ତ୍ତାମାନେ ଜଣାଇଛନ୍ତି । କୋଭିଡ ମହାମାରୀ କାରଣରୁ ବିଗତ ଦୁଇ ବର୍ଷ ଧରି ରିଲିଫ କାମକୁ ଛାଡିଦେଲେ ସଂଗଠନ ଅନ୍ୟ କାର୍ଯ୍ୟରେ ବିଶେଷ ଅଗ୍ରଗତି କରିପାରି ନାହିଁ । ତେଣୁ ପୁଣିଥରେ ସଂଗଠନକୁ ଚଳଚଞ୍ଚଳ କରିବା ସହ ବେରୋଜଗାରୀ ଓ ସାମ୍ପ୍ରଦାୟିକତା ବିରୁଦ୍ଧରେ ସଂଗଠନ ରାଜ୍ୟରେ ଜୋରଦାର ଆନ୍ଦୋଳନ ଗଢିତୋଳିବା ପାଇଁ ରଣନୀତି ଏହି କାର୍ଯ୍ୟକାରିଣୀରେ ସ୍ଥିର ହେବ । ଏଥିସହ ବିଭିନ୍ନ ଜିଲ୍ଲା ପାଇଁ ଏହିଠାରେ ପ୍ରଭାରୀ ମାନଙ୍କୁ ନିଯୁକ୍ତି ପ୍ରଦାନ କରାଯିବ । ରାଷ୍ଟ୍ରୀୟ ସଂଯୋଜକ ଅଜମତ ଖାଁ ବିଶିଷ୍ଟ ସର୍ବୋଦୟ ନେତ୍ରୀ କୃଷ୍ଣା ମହାନ୍ତିଙ୍କୁ ସୌଜନ୍ୟମୂଳକ ସାକ୍ଷାତ କରିବା ସହ ସଂଗଠନ ପାଇଁ ତାଙ୍କର ମାର୍ଗଦର୍ଶନ ଗ୍ରହଣ କରିବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକାରିଣୀକୁ ସଫଳ କରିବା ପାଇଁ ସଂଗଠନର ଅନୁଗୁଳ କମିଟି ପ୍ରସ୍ତୁତି ଆରମ୍ଭ କରିଦେଇଥିବା କଥା ରାଜ୍ୟ ସଂଯୋଜକ ସୂର୍ଯ୍ୟ ନାରାୟଣ ନାଥ , ଆଦ୍ୟଶ୍ଳୋକ ମିଶ୍ର , ସିତୁ ନାୟକ , ଲିପିକା ମହାପାତ୍ର , ରଣଜୀତ ଦେହୁରି ପ୍ରମୁଖ ଛାତ୍ରାବାସଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଜଣାଇଛନ୍ତି । Advertisement
ସ୍ୱାୟତ୍ତ ଶାସନ ପାଳନ ବେଳେ ପ୍ରଦୁଷଣକୁ ନେଇ ଚିନ୍ତା ପ୍ରକଟ କଲେ ଉପ-ବାଚସ୍ପତି ଅନୁଗୁଳ – ଅନୁଗୁଳ ପୌରପାଳିକା ପକ୍ଷରୁ ଅନୁଗୁଳ ସଭାଘରେ ଆୟୋଜିତ ନିଖିଳ ଭାରତ ସ୍ବାୟତ୍ତ ଶାସନ ଦିବସ ପାଳିତ ହୋଇ ଯାଇଛି । ପ୍ରାରମ୍ଭରେ ଅନୁଗୁଳ ନଗରପାଳ…
ଜୋର ଜବରଦସ୍ତି କରୁଥିବା ନୂତନ ପଞ୍ଚାୟତ ଗୃହ ନିର୍ମାଣ କାର୍ଯ୍ୟକୁ ବନ୍ଦ କଲେ ଗାଁ ମହିଳା ଅନୁଗୁଳ – ପଞ୍ଚାୟତରେ ଯେଉଁ ଜାଗାରେ ଅଧିକ ସରକାରୀ ଜାଗା ଅଛି ସେଠାରେ ନୂତନ ପଞ୍ଚାୟତ କାର୍ଯ୍ୟାଳୟ ଗୃହ ନିର୍ମାଣ ନ କରି ଜୋର ଜବରଦସ୍ତି ଏକ…
୨୦ ତାରିଖ ପର୍ଯ୍ୟନ୍ତ ଅନୁଗୁଳ ମେଳା ଅନୁଗୁଳ – ଅନୁଗୁଳ ବିଜୁ ମୈଦାନଠାରେ ଅନୁଗୁଳ ମେଳା ଅନୁଷ୍ଠିତ ହୋଇଯାଇଅଛି । ଅତିରିକ୍ତ ଜିଲ୍ଲାପାଳ ପ୍ରତାପ ପ୍ରୀତିମୟ ମୁଖ୍ୟ ଅତିଥି ଭାବେ ଯୋଗ ଦେଇ ଫିତା…