ମୁଖ୍ୟ ଖବର ନିଜ ଘର ପୋଡି ଗିରଫ ହେଲେ ଗୃହ କର୍ତ୍ତା Angul OnlineFebruary 2, 2023February 2, 2023 ଅନୁଗୁଳ – ମଦ ନିଶାରେ ଆସିଲେ , ଟାଙ୍ଗିଆ ଧରି ସ୍ତ୍ରୀ ଛୁଆଙ୍କୁ ଗୋଡ଼ାଇଲେ । ଆଉ ପରେ ନିଜ ଘରେ ନିଆଁ ଲଗାଇ ଦେଲେ । ଏଥିପାଇଁ ଯୋଗୁଁ ପୁଲିସ ଗୃହକର୍ତ୍ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏଭଳି ଘଟଣା ଅନୁଗୁଳ ଜିଲ୍ଲା ଜରପଡ଼ା ଥାନା ଅନ୍ତର୍ଗତ ଓଡ଼କପା ଗାଁରେ ଘଟିଛି । ସୂଚନା ଅନୁସାରେ , ବୁଧବାର ଅପରାହ୍ନରେ ଓଡ଼କପା ଗାଁର ୫୪ ବର୍ଷୀୟ ରୋହିତ ନାଏକ ମଦ୍ୟପାନକରି ଘରକୁ ଫେରିଥିଲେ । ସେଠାରେ ପହଞ୍ଚି ୨ ପୁଅ ଓ ସ୍ତ୍ରୀଙ୍କୁ ଗାଳିଗୁଲଜ କରିବା ସହ ଟାଙ୍ଗିଆ ଧରି ଗୋଡ଼ାଇଥିଲେ । ଭୟଭୀତ ହୋଇ ମା-ପୁଅ ଘର ଛାଡ଼ି ବାହାରକୁ ପଳାଇଥିଲେ । ଏହାପରେ ରୋହିତ ନିଜ ଘରେ ନିଜେ ନିଆଁ ଲଗାଇ ପୋଡ଼ି ଦେଇଥିଲେ । ଅଗ୍ନିକାଣ୍ଡରେ ଘରଟି ସମ୍ପୁର୍ଣ୍ଣ ପୋଡ଼ି ପାଉଁଶ ହୋଇଯାଇଥିଲା । ଗାଁ ଲୋକଙ୍କ ସହାୟତାରେ ନିଆଁକୁ ଆୟତ କରାଯାଇଥିଲା । ତେବେ ଏ ନେଇ ଗୁରୁବାର ରୋହିତଙ୍କ ୨ ପୁଅ ସୁଜିତ ନାଏକ ଓ ଅଜିତ ନାଏକ ଜରପଡ଼ା ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗପାଇ ପୁଲିସ ଏକ ମାମଲା ରୁଜୁକରି ରୋହିତଙ୍କୁ ଗିରଫକରି କୋର୍ଟ ଚାଲାଣ କରିଛି । Advertisement
ଛାତ୍ରୀ ନିବାସରୁ ଚିହ୍ନଟ ହେଲେ ୧୦ କରୋନା ପଜିଟିଭ ଛେଣ୍ଡିପଦା – କରୋନାର ପ୍ରକୋପରୁ ଏଇ କିଛିଦିନ ଧରି ଅନୁଗୁଳ ଜିଲ୍ଲା ସାମାନ୍ୟ ଆଶ୍ଵସ୍ତି ପାଇଥିବା ବେଳେ ଆଜି ପୁଣି ତାର ପ୍ରକୋପ ଏହି ଅଦୃଶ୍ୟ ଭୂତାଣୁ…
ରେଳ ଧାରଣା କଡରୁ ଯୁବକଙ୍କ ମୃତଦେହ ଉଦ୍ଧାର – ଟ୍ରେନରୁ ପଡି ଯାଇଥିବା ସନ୍ଦେହ ଅନୁଗୁଳ – ଅନୁଗୁଳ ଜିଲ୍ଲା ଜରପଡା ଥାନା ତୁକୁଡ଼ା ଗାଁ ରେଳ ଧାରଣା କଡରେ ଜଣେ ଯୁବକର କ୍ଷତ ବିକ୍ଷତ ମୃତଦେହ ଦେଖିବାକୁ ମିଳିଥିଲା । ଯୁବକ…
ବସ ଡ୍ରାଇଭରଙ୍କ ଦାଦାଗିରି – ଦମକଳକୁ ଅଟକାଇ ଗାଳି ଅନୁଗୁଳ – ଅନୁଗୁଳ ଜିଲ୍ଲା ବୁଢାପଙ୍କ ଫାଟକ ନିକଟରେ ଆଜି ଡଲଫିନ ନାମକ ଏକ ଘରୋଇ ଯାତ୍ରୀବାହି ବସର ଡ୍ରାଇଭର ଓ ଅନ୍ୟ କର୍ମଚାରୀଙ୍କ ଦବଙ୍ଗଗିରି ଦେଖିବାକୁ…