ଆଞ୍ଚଳିକ ଉଦଘାଟିତ ହେଲା ଫୁଲପଡା ବିଦ୍ୟୁତ ସବ-ଷ୍ଟେସନ Angul OnlineAugust 9, 2021August 9, 2021 ବଅଁରପାଳ -(AO)- ଅନୁଗୁଳ ଜିଲ୍ଲା ବଅଁରପାଳ ବ୍ଲକ ଫୁଲପଡା ପାଖରେ ନିର୍ମାଣ ହୋଇଥିବା ବିଦ୍ୟୁତ ସବ-ଷ୍ଟେସନକୁ (ତଳମୂଳ ଶାସନ) ଓଡିଶା ବିଧାନସଭାର ଉପବାଚସ୍ପତି ତଥା ଅନୁଗୁଳ ବିଧାୟକ ରଜନୀକାନ୍ତ ସିଂହ ଉଦଘାଟନ କରିଛନ୍ତି । ଉପ ବାଚସ୍ପତିଙ୍କ ଦୀର୍ଘ ଦିନର ପ୍ରଚେଷ୍ଟା ପରେ ଏହି ସବ-ଷ୍ଟେସନଟି ନିର୍ମାଣ ହୋଇଥିଲା । ବାରମ୍ବାର ବିଦ୍ୟୁତ ବିଭ୍ରାଟ ପାଇଁ ମହିଧରପୁର , ତଳମୂଳ , ତଳମୂଳ ଶାସନ, ଫୁଲପଡା ଓ ସାନ୍ତରାପୁର ‘ଖ’ ପଞ୍ଚାୟତର ଲୋକମାନେ ବିଭିନ୍ନ ପ୍ରକାରର ଅସୁବିଧା ଭୋଗୁଥିଲେ । ସାମାନ୍ୟ ବର୍ଷା ପବନ ହେଲେ ଦିନ ଦିନ ଧରି ବିଦ୍ୟୁତ ସେବା ବାଧାପ୍ରାପ୍ତ ହେଉଥିଲା । ଲୋକମାନଙ୍କର ଏହି ସମସ୍ୟାକୁ ଦେଖି ଏହି ସବ-ଷ୍ଟେସନକୁ ନିର୍ମାଣ କରା ଯାଇଥିଲା । ଏହି ଫୁଲପଡା ୩୩/୧୧ ସବ ଷ୍ଟେସନ (ତଳମୂଳ ଶାସନ) ଉଦଘାଟିତ ହେବା ଫଳରେ ମହିଧରପୁର, ଗଡ଼ ତଳମୂଳ , ତଳମୂଳ ଶାସନ, ଫୁଲପଡା ଓ ସାନ୍ତରାପୁର ‘ଖ’ର ଲୋକମାନେ ଉପକୃତ ହୋଇପାରିବେ । ସବ ଷ୍ଟେସନ ଉଦଘାଟନ କାର୍ଯ୍ୟକ୍ରମରେ ବଅଁରପାଳ ବ୍ଲକ ବିଜେଡି ସଭାପତି ବିଜୟ କୁମାର ନାଥ, ଟିପିସିଓଡିଏଲ ର କାର୍ଯ୍ୟ ନିର୍ବାହୀ ଅଧିକାରୀ ଜିତେନ୍ଦ୍ର ପାତ୍ର , ଟିପିସିଓଡିଏଲର ଏସଡିଓ , କନିଷ୍ଠ ଯନ୍ତ୍ରୀ , ବିଦ୍ୟୁତ ବିଭାଗର ବିଭିନ୍ନ ଅଧିକାରୀ ବୃନ୍ଦ , ଯୁବ ନେତା ଅରୁଣାଭ ସିଂହ ଆଦି ଉପସ୍ଥିତ ଥିଲେ । Advertisement
ହାତୀ ଆକ୍ରମଣରେ ଜଣେ ଗୁରୁତର – ଘଟଣାକୁ ନେଇ ଉତ୍ତେଜନା ଅନୁଗୋଳ – ଅନୁଗୋଳ ବନଖଣ୍ଡ ବନ୍ତଳା ରେଞ୍ଜରେ ହାତୀ ଆକ୍ରମଣରେ ଗୁରୁବାର ସକାଳେ ପୋକତୁଙ୍ଗା ଗାଁର ସୁରେଶ ପ୍ରଧାନ (୫୫ ବର୍ଷ) ଗୁରୁତର ଆହତ ହୋଇଛନ୍ତି।…
ସ୍ବପ୍ନର ଅନୁଗୁଳ – ସବୁଜ ଅନୁଗୁଳ ଲକ୍ଷ୍ୟରେ ଚାରା ରୋପଣ ଆରମ୍ଭ ଅନୁଗୁଳ – ଅନୁଗୁଳର ସାମାଜିକ ସଙ୍ଗଠନ ” ଆମ ଅନୁଗୁଳ ” ତରଫରୁ ସବୁଜ ସୁନ୍ଦର ଅନୁଗୁଳ ଗଠନ କରିବା ପାଇଁ ” ସ୍ବପ୍ନର ଅନୁଗୁଳ –…
ଦୁଇ ଅଜଗର ସାପ ଉଦ୍ଧାର ଅନୁଗୁଳ – ଅନୁଗୁଳ ଜିଲ୍ଲା ପୁରୁଣାଗଡ , ବଡ଼ଦାଣ୍ଡ ସାହି ଗାଁ ରାସ୍ତାରେ ୧୫ଫୁଟ୍ ଲମ୍ବ ଅଜଗର ସାପ ରାସ୍ତା ପାରି ହେଉଥିଲା । ଏହାକୁ ଦେଖି…