ନାଲକୋନଗର – ଅନୁଗୋଳ ଜିଲ୍ଲା ଅବକାରୀ ବିଭାଗ ଦ୍ଵାରା ବିଭିନ୍ନ ସମୟରେ ଧର ପଗଡ଼ କରି ଛେଣ୍ଡିପଦା,ଆଠମଲ୍ଲିକ, କୋଲିୟରି ଅନୁଗୋଳ ପ୍ରଭୃତି ଥାନା ଅଂଚଳରୁ ଜବତ କରିଥିବା ମାଦକ ଦ୍ରବ୍ୟ ବେଆଇନ ଗଞ୍ଜେଇ ଓ ବ୍ରାଉନସୁଗାର ପୋଡି ନଷ୍ଟ କରା ଯାଇଛି । ଅବକାରୀ ବିଭାଗ ସୂଚନା ଅନୁସାରେ ପ୍ରାୟ ୧୧୮୩ କେଜି ଗଞ୍ଜେଇ ଏବଂ ୬୧ ଗ୍ରାମର ବ୍ରାଉନସୁଗାରକୁ ମାଜିଷ୍ଟ୍ରେଟଙ୍କ ଉପସ୍ଥିତିରେ ନଷ୍ଟ କରିଦିଆଯାଇଛି । ନାଲକୋ ସ୍ମେଲଟର ପ୍ଲାଣ୍ଟ ଫରନେସର ନିଆଁରେ ଏହି ସବୁ ମାଦକଦ୍ରବ୍ୟକୁ ପୋଡି ନଷ୍ଟ କରା ଯାଇଥିଲା ।ମାଜିଷ୍ଟ୍ରେଟ ଭାବେ ଡେପୁଟି କଲେକ୍ଟର ସତ୍ୟାନନ୍ଦ ଦାସ, ଯୋଗେଶ୍ୱରୀ ନାୟକ,ଭୁବନେଶ୍ୱର ସାଇଣ୍ଟିଫିକ ଅଧିକାରୀ ଲିପିକା ପ୍ରିୟଦର୍ଶନୀ ରାଉତ, ଅନୁଗୁଳ ଜିଲ୍ଲା ଅବକାରୀ ଅଧିକ୍ଷକ ମଧୁସ୍ମିତା ନାୟକ,ସ୍ଥାନୀୟ ନାଲକୋ ଥାନା ଆଇ ଆଇ ସି ଦିଲ୍ଲୀପ ଲାକ୍ରା ପ୍ରମୁଖ ଏହି ସମୟରେ ଉପସ୍ଥିତ ଥିଲେ ।