ଅପରାଧ ଲକ୍ଷାଧିକ ଟଙ୍କା ସହ ମୋଟରସାଇକେଲ ନେଇ ଭଡାଟିଆ ଚମ୍ପଟ – ଥାନାରେ ଅଭିଯୋଗ Angul OnlineSeptember 10, 2021September 10, 2021 କଣିହାଁ – ଅନୁଗୁଳ ଜିଲ୍ଲା କଣିହାଁ ଥାନା ବଡ଼ଗୁଣ୍ଡରୀର କିଛି ଲୋକଙ୍କୁ ସେହି ଗାଁରେ ଭଡାରେ ରହୁଥିବା ଜଣେ ବ୍ୟକ୍ତି ଲକ୍ଷାଧିକ ଟଙ୍କା ଠକି ନେବା ସହ ଏକ ମୋଟରସାଇକେଲ ନେଇ ଯାଇଥିବା ଅଭିଯୋଗ ହୋଇଛି । ସୂଚନା ଅନୁସାରେ ଯାଜପୁର ପାଣିକୋଇଲି ଗ୍ରାମର ଆଶିଷ କୁମାର ଜେନା ନାମକ ଜଣେ ବ୍ୟକ୍ତି ବଡ଼ଗୁଣ୍ଡରୀ ଗ୍ରାମର ଆଲୋକ କୁମାର ପଟ୍ଟନାୟକଙ୍କ ଦୋକାନରେ ରୋଷେୟା ଭାବେ ଗତ ୧୪ଜୁଲାଇ କାମ କରିବାକୁ ଆସିଥିଲା । କିଛି ଦିନ ପରେ ତାର ସ୍ତ୍ରୀ ଓ ୪ବର୍ଷର ପୁଅକୁ ଧରି ସପରିବାର ମାଲିକ ଆଲୋକଙ୍କ ଘରେ ରହିଲା । ଆଶିଷ ଏଠାରେ କିଛିଦିନ ରହିବା ପରେ ତାର ଏନଟିପିସିର ଜଣେ ଉଚ୍ଚ ପଦସ୍ଥ ଅଧିକାରିନକ ସହ ଭଲ ସମ୍ପର୍କ ଅଛି ବୋଲି ମିଛ ପ୍ରଚାର କରିବା ସହ ମେଣ୍ଟେନାନ୍ସରେ ଚାକିରି ରଖାଇ ଦେବ ବୋଲି କିଛି ଲୋକଙ୍କୁ କହି ବୁଲିଥିଲା । ତାର କଥାରେ ଭାସିଯାଇ ଯାଇଥିଲେ କିଛି ଲୋକ । ଆଉ ଏହି ଏନ୍ଟିପିସି , କଣିହାଁ ପ୍ରକଳ୍ପରେ ମେଣ୍ଟେନାନ୍ସରେ କାମ କରାଇଦେବି କହି ଅଚ୍ୟୁତାନନ୍ଦ ପଟ୍ଟନାୟକଙ୍କ ଠାରୁ ଆଶିଷ , ୬୦ହଜାର ଟଙ୍କା ନେଇଥିଲା । ସେହିଭଳି ସତ୍ୟବାନ ସାହୁଙ୍କ ଠାରୁ ୬୦ ହଜାର , ପଦମନ ସାହୁଙ୍କ ଠାରୁ ୬୦ହଜାର ଟଙ୍କା ଏବଂ ଆଲୋକ ପଟ୍ଟନାୟକଙ୍କ ଠାରୁ ରୋଷେୟା ଆକାରରେ ଆଡଭାନ୍ସ ଆକାରରେ ୪୫ ହଜାର ଟଙ୍କା ନେଇଥିଲା । ଗତ ୬ତାରିଖ ଦିନ ଆଶିଷ, ତାର ଦେହ ଖରାପ ଆଚି ଆଉ ଡାକ୍ତରଖାନା ଜୀବ କହି ଅଚ୍ୟୁତାନନ୍ଦଙ୍କ ମୋଟରସାଇକେଲ (ଓଡି-୧୯-ଡି ୭୨୭୧) ନେଇଯାଇଥିଲା । ତେବେ ସେହିଦିନ ଆଶିଷ ଆଉ ଫେରିନଥିଲେ । ତା ପରଦିନ ଆଶିଷକୁ ଫୋନ୍ କରିବା ପରେ ସେ ଆଉ ଫୋନ୍ ରିସିଭ୍ କରିନଥିଲେ । ପରେ ଆଶିଷ ରହୁଥିବା ଭଡାଘରକୁ ଯାଇ ଦେଖିବାରୁ ଆଶିଷ ସେଠାରୁ ପଳାଇ ଯାଇଥିବା ସନ୍ଦେହ ଅକରିଥିଲେ । ଆଉ ଏଥିପାଇଁ ସେ ଆଉ ଅନ୍ୟମାନେ ଠକେଇର ଶିକାର ହୋଇଥିବା ନେଇ କଣିହାଁ ଥାନାରେ ଲିଖିତ ଅଭିଯୋଗ କରିଛନ୍ତି । ଆଶିଷ ସମୁଦାଯ ୨ଲକ୍ଷ ୨୫ ହଜାର ଟଙ୍କା ସମେତ ଏକ ମୋଟରସାଇକେଲ ନେଇ ଯାଇଥିବା ସେ ତାଙ୍କ ଅଭିଯୋଗରେ ଦର୍ଶାଇଛନ୍ତି । କଣିହାଁ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି । Advertisement
ସ୍କୁଟିରେ ଗଞ୍ଜେଇ ଚାଲାଣ ବେଳେ ଦୁଇ ଜଣଙ୍କୁ ଧରିଲା ଅବକାରୀ ବିଭାଗ ଅନୁଗୋଳ – ଅନୁଗୋଳ ଥାନା ବୃନ୍ଦାବନ ହୋଟେଲ ନିକଟରୁ ଆଜି ଏକ ସ୍କୁଟିରେ ୨୧ କେଜି ଗଞ୍ଜେଇ ନେଇ ଯାଉଥିବା ବେଳେ ଦୁଇ ଜଣଙ୍କୁ ଅବକାରୀ…
ନାବାଳିକା ଦୁଷ୍କର୍ମକାରୀକୁ ୨୦ ବର୍ଷ କାରାଦଣ୍ଡ ଅନୁଗୁଳ – ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ଅଞ୍ଚଳରେ ଗତ ୪ ବର୍ଷ ତଳେ ଜଣେ ନାବାଳିକାଙ୍କୁ ଅପହରଣ କରି ବଳାତ୍କାର କରିବା ଅଭିଯୋଗ ମାମଲାର ରାୟ…
ଡିକି ଭାଙ୍ଗି ଟଙ୍କା ଲୁଟ ବେଳେ କାବୁ କରି ଉତ୍ତମ ମଧ୍ୟମ ପରେ ପୁଲିସ ଜିମା ଦେଲେ ଲୋକେ ଅନୁଗୋଳ – ଅନୁଗୋଳ ସହର ନୁଆଁ ବସଷ୍ଟାଣ୍ଡ ନିକଟରେ ଡିକି ଭାଙ୍ଗି ଟଙ୍କା ଲୁଟିବାକୁ ଚେଷ୍ଟା କରୁଥିବା ବେଳେ ଜଣେ ଦୁର୍ବୃତ୍ତକୁ ଲୋକ କାବୁ କରିଥିବା ବେଳେ…