ଅନୁଗୁଳ – ସ୍ତ୍ରୀକୁ ମୋବାଇଲରେ ଗପିବାକୁ ବାରଣ କରିବାରୁ ସ୍ୱାମୀକୁ ଜୀବନରେ ମାରିଦେବା ପାଇଁ ଉଦ୍ୟମ କରିବା ସହିତ ଗୁପ୍ତାଙ୍ଗ କାଟି ଦେଇଥିଲା ସ୍ତ୍ରୀ  l ଏଭଳି ଅଭାବନୀୟ ଘଟଣା ଘଟିଛି ଅନୁଗୁଳ ଜିଲ୍ଲା ଜରପଡା ଥାନା ଅଞ୍ଚଳରେ। ଗତକାଲି ମଧ୍ୟରାତ୍ରିରେ ସ୍ୱାମୀ ଶୋଇଥିବା ବେଳେ ସ୍ତ୍ରୀ ମୋବାଇଲରେ କାହା ସହିତ କଥା ହେଉଥିଲେ । ମୋବାଇଲରେ ସ୍ତ୍ରୀ କଥା ହେଉଥିବା ଦେଖି ସ୍ୱାମୀ ବିରକ୍ତି ପ୍ରକାଶ କରିବା ସହିତ ସ୍ତ୍ରୀ କୁ ତାଡନା କରିଥିଲେ । ଏଥିରେ ଉତ୍ତେଜିତ ହୋଇ ସ୍ତ୍ରୀ ଏକ ଶାବଳ ଆଣି ସ୍ୱାମୀର ବେକକୁ ଚାପି ହତ୍ୟା ଉଦ୍ୟମ କରିଥିଲେ । ଜୀବନ ବିକଳରେ ସ୍ୱାମୀ ଚିତ୍କାର କରିବା ପରେ ସ୍ତ୍ରୀ ଏକ ବ୍ଲେଡ଼ରେ ସ୍ବାମୀର ଗୁପ୍ତାଙ୍ଗ କାଟି ଦେଇଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ପଡୋଶୀ ମାନେ ଉଦ୍ଧାର କରି ଚିକିତ୍ସାଳୟରେ ଭର୍ତ୍ତି କରିଥିଲେ । ଘଟଣା ପରେ ସ୍ତ୍ରୀ ଫେରାର ହୋଇଛନ୍ତି । ଚିକିତ୍ସା ପରେ ସ୍ବାମୀ ଥାନାରେ ସ୍ତ୍ରୀ ବିରୁଦ୍ଧରେ ଲିଖିତ ଅଭିଯୋଗ କରିଥିବା ଜଣା ପଡିଛି।