ମୁଖ୍ୟ ଖବର ଦୁର୍ଘଟଣାରେ ତିନି ମୃତ Angul OnlineJune 13, 2023June 13, 2023 ଅନୁଗୋଳ – ଅନୁଗୋଳ ଜିଲ୍ଲାରେ ପୃଥକ ପୃଥକ ସ୍ଥାନରେ ଦୁର୍ଘଟଣା ଘଟି ତିନି ଜଣଙ୍କର ମୃତ୍ଯୁ ହୋଇଛି । ଅନୁଗୋଳ ସଦର ଥାନା ଅନ୍ତର୍ଗତ ରନ୍ତଲୋଇଠାରେ ସୋମବାର ବିଳମ୍ବିତ ରାତିରେ ଏକ ଟ୍ରକ୍ ତଳେ ଚାପିହୋଇ ଜଣେ ଶ୍ରମିକଙ୍କ ମୃତ୍ୟୁ ହୋଇଛି। ସୂଚନା ଯେ, ରନ୍ତଲେଇ ଗାଁ ପୋଖରୀର ପୁନଃରୁଦ୍ଧାର କାର୍ଯ୍ୟ ଚାଲିଥିଲା । ସେଠାରେ ମେସିନ ଲଗାଯାଇ ଟ୍ରକ୍ ଯୋଗେ ମାଟି ବୁହାଯାଉଥିଲା । ତେବେ ରାତିରେ ଗାଁର ତାପସ ବେହେରା(୨୯) ନାମକ ଜଶେ ଶ୍ରମିକ ଏକ ଟ୍ରକ୍ ତଳେ ଶୋଇଥିଲେ । ଟ୍ରକ୍ ଚାଳକ ଟ୍ରକ୍ ନେଇ ଯିବାରୁ ତଳେ ଶୋଇଥିବା ତାପସଙ୍କୁ ଚାପି ଦେଇଥିଲା । ତାପସଙ୍କ ଚିତ୍କାର ଶୁଣି ଟ୍ରକ୍ ଅଟକାଇ ତାପସଙ୍କୁ ଗୁରୁତର ଅବସ୍ଥାରେ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ତେବେ ସେଠାରେ ଚିକିତ୍ସାଧିନ ଅବସ୍ଥାରେ ତାପସଙ୍କ ମୃତ୍ୟୁ ହୋଇଛି । ଏ ନେଇ ଥାନାରେ ଏକ ମାମଲା ରୁଜୁ କରାଯାଇ ଟ୍ରକ୍କୁ ଜବତକରି ଚାଳକଙ୍କୁ ଗିରଫ କରାଯାଇଛି । ସେହିପରି ଜରପଡା ଥାନା ବଡ଼ହିଂସର ନ ଇକଟରେ ଭାରସାମ୍ଯ ହରାଇ ଏକ ମୋଟରସାଇକେଲ ଗଛରେ ବାଡେଇ ହେବା ଫଳରେ ଜଣଙ୍କର ମୃତ୍ଯୁ ହୋଇଛି । ମୃତକ ଜଣଙ୍କ କୃଷ୍ଣ ପ୍ରଧାନଙ୍କ ପୁଅ ଦିଲ୍ଲୀପ ପ୍ରଧାନ ବୋଲି ଜଣା ପଡିଛି । ସେହିପରି ଅନୁଗୋଳ ଜିଲ୍ଲା ତାଳଚେର ଭୁବନେଶ୍ଵରୀ ଖଣିରେ ଦୁର୍ଘଟଣାରେ ଜଣଙ୍କର ମୃତ୍ଯୁ ହୋଇଛି । ଖଣି ଭିତରେ କୌଣସି ଅଜଣା ଗାଡି ଧକ୍କା ଦେବା ଫଳରେ ଡେରେଜାଙ୍ଗ ଗାଁର ଚିତ୍ତରଞ୍ଜନ ସାହୁଙ୍କର ମୃତ୍ଯୁ ହୋଇଛି । ଦୁର୍ଘଟଣା ପରେ ଖଣିରେ ଉତ୍ତେଜନା ଦେଖା ଦେଇଥିବା ଯୋଗୁଁ ଖଣି କାମ ଠପ ହୋଇ ଯାଇଛି । ଖବର ପାଇ ତାଳଚେର ବିଧାୟକ ବ୍ରଜ କିଶୋର ପ୍ରଧାନ ଘଟଣା ସ୍ଥଳରେ ପହଂଚିଛନ୍ତି । Advertisement
ଅମଲାପଡାରୁ ୧୨ ଲକ୍ଷ ଟଙ୍କା ମୂଲ୍ୟର ବ୍ରାଉନସୁଗାର ଜବତ ଅନୁଗୁଳ – ପୂଜା ବଜାର ସରଗରମ ହେବା ପୂର୍ବରୁ ଅନୁଗୁଳ ଅବକାରୀ ବିଭାଗକୁ ଏକ ବଡ ସଫଳତା ମିଳିଛି । ଅନୁଗୁଳ ବଜାର ଭିତରୁ ୧୨୦ ଗ୍ରାମ…
ଟଙ୍କା ଲୁଟିନେଲେ ସାଇବର ଠକ ଅନୁଗୁଳ – ଅନୁଗୁଳରେ ପୁଣି ମାତିଲେ ସାଇବର ଠକ । କେୱାଇସି ଅପଡେଟ୍ କରିବା ବାହାନରେ ଶିମିଳିପଡ଼ାର ଜୈନିକ ବ୍ୟକ୍ତିଙ୍କ ଆକାଉଣ୍ଟରୁ ୨୦ ହଜାର ଲୁଟ କରି…
ବଢିଲେ କୁମ୍ଭୀର , କମିଲେ ପକ୍ଷୀ ଅନୁଗୁଳ – ଅନୁଗୁଳ ଜିଲ୍ଲା ସାତକୋଶିଆ ଗଣ୍ଡରେ ପକ୍ଷୀ ଓ କୁମ୍ଭୀର ଗଣନା ଶେଷ ହୋଇଛି । ଚଳିତ ବର୍ଷ ଗଣ୍ଡରେ ଉଭୟ ମଗର ଓ ଘଡିଆଳ…