ଅନୁଗୁଳ – ଭୁଜାଲିରେ ଆକ୍ରମଣ କରି ଲୁଟି ନେଲେ ୩ ଲକ୍ଷ ୫୦ ହଜାର ଟଙ୍କା । ଏଭଳି ଘଟଣା ଘଟିଛି ଛେଣ୍ଡିପଦା ଅଞ୍ଚଳରେ । ସୂଚନା ଅନୁସାରେ ଛେଣ୍ଡିପଦା ବାହାଳସାହିର ଅଶୋକ ସାହୁ ନାମକ ଜଣେ ଯୁବକ ଛେଣ୍ଡିପଦାରେ ଷ୍ଟାମ୍ପ ଭେଣ୍ଡର କାମ କରିବା ସହ ଏକ ଜନ ସେବା କେନ୍ଦ୍ର କରିଛନ୍ତି । ଆଜି ସନ୍ଧ୍ୟାରେ ସେ ନିଜ କାମ ସାରି ସେବା କେନ୍ଦ୍ରରୁ ୩ ଲକ୍ଷ ୫୦ ହଜାର ଟଙ୍କା ଓ ଷ୍ଟାମ୍ପ ନେଇ ଘରକୁ ଫେରୁଥିଲେ । ଏକ ନିଛାଟିଆ ସ୍ଥାନରେ ହଠାତ ଦୁଇ ଜଣ ଦୁର୍ବୃତ୍ତ ମୋଟରସାଇକେଲରେ ଆସି ତାଙ୍କୁ ଅଟକାଇବା ସହ ଏକ ଭୁଜାଲିରେ ଆକ୍ରମଣ କରିଥିଲେ । ଆଉ ଅଶୋକଙ୍କୁ ଭୟଭୀତ କରାଇ ତାଙ୍କଠାରେ ଥିବା ଟଙ୍କା ନେଇ ଦ୍ରୁତ ଗତିରେ ପଳାଇ ଯାଇଥିଲେ । ଭୁଜାଲି ଆକ୍ରମଣରେ ଅଶୋକଙ୍କ ଡାହାଣ ହାତରେ ଆଘାତ ଲାଗିଛି । ସେ ଏ ଘଟଣା ସମ୍ପର୍କରେ ତୁରନ୍ତ ଛେଣ୍ଡିପଦା ପୁଲିସକୁ ସୂଚନା ଦେବା ପରେ ପୁଲିସ ଘଟଣା ସ୍ଥଳକୁ ଯାଇ ତଦନ୍ତ କରୁଛି ।