ରାଜନୀତି ବାହାଘରରେ ମିଳିଲା କି ଟିକଟ ଉପହାର Angul OnlineMay 15, 2023May 15, 2023 ଅନୁଗୋଳ – ଅନୁଗୋଳ ଜିଲ୍ଲା ପାଲଲହଡାର ବିଧାୟକ ମୁକେଶ ପାଲ ଗତ ୧୨ ତାରିଖରେ ବଣିଆବାହାଳ ନିବାସୀ ମଧୁସୂଦନ ପଟ୍ଟନାୟକଙ୍କ ଝିଅ ଅବଲିସାଙ୍କୁ ବିବାହ କରିଥିଲେ । ରବିବାର ତାଙ୍କର ବାହାଘର ଭୋଜି ବିଧାୟକଙ୍କ ଗାଁ ବାଲିପଶିରେ ଥିଲା । ଯେଉଁଠି ହଜାର ହଜାର ଲୋକ ଯୋଗ ଦେଇ ବରକନ୍ୟାଙ୍କୁ ଶୁଭେଚ୍ଛା ଜଣାଇବା ସହ ଭୋଜି ଖାଇଥିଲେ । ତେବେ ବିଧାୟକ ମୁକେଶ ପାଳଙ୍କ ବିବାହ ଭୋଜିର ମୁଖ୍ୟ ଆକର୍ଷଣ ଥିଲେ 5 ଟି ସଚିବ ଭିକେ ପଣ୍ଡିଆନ । ସମସ୍ତଙ୍କୁ ଚକିତ କରି ଦିନ ପ୍ରାୟ ସାଢ଼େ ୧୨ ଟା ବେଳେ ସେ ବାଲିପଶି ଗାଁରେ ପହଞ୍ଚି ଥିଲେ । ପ୍ରଥମେ ନବ ଦମ୍ପତିଙ୍କୁ ଭେଟି ଶୁଭେଚ୍ଛା ଜଣାଇଥିଲେ । ପରେ ପଣ୍ଡିଆନ ଯୁବଗୋଷ୍ଠୀଙ୍କ ସହ ହାତ ମିଳାଇ , ବିଧାୟକଙ୍କ ପରିବାର ଲୋକଙ୍କୁ ଭେଟି ଆଲୋଚନା କରିଥିଲେ । ସେଠାରେ ସେ ପ୍ରାୟ ଅଧା ଘଣ୍ଟା ପରିବାର ଲୋକଙ୍କ ସହ ବିତାଇ ବିବାହ ଭୋଜି ଖାଇ ଫେରି ଯାଇଥିଲେ । ତେବେ 5ଟି ସଚିବଙ୍କ ଏଭଳି ଅଚାନକ ଗସ୍ତ ପରେ ରାଜନୈତିକ ମହଲରେ ବେଶ ଚର୍ଚ୍ଚା ପାଲଟିଛି । ୨୦୧୯ ମସିହାରେ ମୁକେଶ ପାଳ ବିଜେପି ଛାଡି ବିଜେଡ଼ିରେ ଯୋଗ ଦେଇଥିଲେ । ବିଜୁ ଜନତା ଦଳରେ ସେ ମିଶିବା ପରେ ଦଳ ତାଙ୍କ ଉପରେ ଆସ୍ଥା ପ୍ରକଟ କରି ବିଧାୟକ ଟିକଟ ମଧ୍ୟ ଦେଇଥିଲା । ମୁକେଶ ପାଳ ଜିତାପଟ ମାରି ବିଧାୟକ ମଧ୍ୟ ହୋଇ ଯାଇଥିଲେ । ତେବେ ଏହା ଭିତରେ ପ୍ରାୟ ୪ ବର୍ଷ ବିତିଗଲାଣି । ମୁକେଶ ପାଳଙ୍କ ପ୍ରତୀନ୍ଦ୍ୱନ୍ଦୀ ଭାବେ ମଧ୍ୟ କିଛି ନେତା ଛିଡା ହେଲେଣି । ବିଧାୟକ ନାମରେ କିଛି ଅଭିଯୋଗ ଆଣି ତାଙ୍କୁ ବଦନାମ ମଧ୍ୟ କରିବାକୁ ଚେଷ୍ଟା କରା ଯାଇଥିଲା । ଯାହାକୁ ନେଇ ଆଗାମୀ ୨୦୨୪ ନିର୍ବାଚନରେ ମୁକେଶଙ୍କୁ ବିଜେଡି ଟିକଟ ମିଳିବ ନା ନାହିଁ ଅନେକ ଚର୍ଚ୍ଚା ହେଉଥିଲା । ଏହା ଭିତରେ ପାଲଲହଡାର ଅବନିକାନ୍ତ ସାହୁଙ୍କୁ ହଠାତ ତାଳଚେର ଅନୁଗୋଳ ମେରାମଣ୍ଡଳୀ ଡେଭଲପମେଣ୍ଟ ଆଥରୀଟି (TAMDA) ର ଅଧ୍ୟକ୍ଷ ପଦ ମିଳି ଯାଇଥିଲା । ଯାହା ଫଳରେ ମୁକେଶ ପାଳଙ୍କ ଟିକଟ ମିଳିବ ନାହିଁ ବୋଲି ଯେଉଁ ଚର୍ଚ୍ଚା ହେଉଥିଲା ସେହି ଚର୍ଚ୍ଚା ଆହୁରି ଜୋର କରିଥିଲା । ତେବେ ନିର୍ବାଚନକୁ ଆଉ ଦିନ କେଇଟା ଥିବା ବେଳେ ଅବନିକାନ୍ତ ସାହୁଙ୍କୁ ଏପ୍ରିଲ ୨୯ ତାରିଖରେ ରାଜ୍ୟ ସରକାର ପୁଣି ତାଙ୍କୁ ରାଜ୍ୟ ଖାଦ୍ୟ କମିଶନର ଅଧକ୍ଷ ଭାବେ ଦାୟିତ୍ୱ ଦେଇଥିଲେ । ଏପଟେ ବିଧାୟକ ମୁକେଶ ପାଳଙ୍କ ବାହାଘର ଭୋଜିରେ ସମସ୍ତଙ୍କୁ ଆଶ୍ଚର୍ଯ୍ୟଚକିତ କଲା ଭଳି 5ଟି ସଚିବ ଭି କେ ପାଣ୍ଡିଆନ ପହଞ୍ଚିଥିଲେ । ଯେଉଁଥିପାଇଁ ଏବେ ବିଧାୟକ ମୁକେଶ ପାଳଙ୍କୁ ପୁଣି ଥରେ ଦଳ ଟିକଟ ଦେବା କଥା ଏକ ପ୍ରକାର ଦୃଢ଼ ନିଶ୍ଚିତ ବୋଲି ଚର୍ଚ୍ଚା ଧରିଛି । 5 ଟି ସଚିବ ଭୋଜିରେ ଯୋଗ ଦେବା ମୁକେଶ ପାଳଙ୍କ ପାଇଁ ଟିକଟ ଉପହାର ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି । Advertisement
କୃଷକ ହତ୍ୟା ଓ ପ୍ରିୟଙ୍କାଙ୍କୁ ଗିରଫ ପ୍ରତିବାଦ – କଂଗ୍ରେସର ଧାରଣା ଅନୁଗୁଳ – ଲକ୍ଷ୍ମୀପୁରରେ କୃଷକଙ୍କୁ ହତ୍ୟା ଓ ମୃତକଙ୍କ ପରିବାରକୁ ଦେଖା କରିବାକୁ ଯିବା ବେଳେ ପ୍ରିୟଙ୍କା ଗାନ୍ଧୀଙ୍କୁ ଗିରଫ କରିବା ପ୍ରତିବାଦରେ ଅନୁଗୁଳ ଜିଲ୍ଲା କଂଗ୍ରେସ…
ବିଜେଡିରେ ବିଧିବିଧ ଭାବେ ସାମିଲ ହେଲେ ଡାକ୍ତର ପ୍ରତାପ ପାଣି ଅନୁଗୁଳ – (ଅନୁଗୁଳ ଅନଲାଇନ୍) – ଆଜି ଭୁବନେଶ୍ୱର ଶଙ୍ଖ ଭବନରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏହି ମିଶ୍ରଣ ପର୍ବରେ ବିଜେଡିରେ ସାମିଲ…
ତାଳଚେରରେ ବାପୁ , ଅନୁଗୁଳରେ କିଏ ? ଅନୁଗୁଳ – ଆଜି ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜେଡ଼ିର ଚତୁର୍ଥ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛନ୍ତି । ଏହି ଘୋଷଣା ଅନୁଯାୟୀ ତାଳଚେର ବିଧାୟକ…