ତାଳଚେର – ଆଜି କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଦୁଇଟି କେନ୍ଦ୍ରୀୟ ବିଦ୍ୟାଳୟର ଉଦଘାଟନ କରିବାକୁ ତାଳଚେର ଆସିଥିଲେ । ତାଙ୍କ ସହ ଢେଙ୍କାନାଳ ସାଂସଦ ଶ୍ରୀ ମହେଶ ସାହୁ ,ତାଳଚେର ବିଧାୟକ ଶ୍ରୀ ବ୍ରଜକିଶୋର ପ୍ରଧାନଙ୍କ ମଧ୍ୟ ଉପସ୍ଥିତ ଥିଲେ । ଉଦଘାଟନ କାର୍ଯ୍ୟକ୍ରମ ସହ ମଞ୍ଚରେ ଭାଷଣ ଦେଇ ହଳିଆ ଶବ୍ଦଟି ବ୍ୟବହାର କରିଥିଲେ । ଖାଲି ଭଲ ଜମି ଥିଲେ ଭଲ ଫସଲ ହେବ ନାହିଁ ଭଲ ହଳିଆର ମଧ୍ୟ ଆଵଶ୍ୟକତା ରହିଛି । ତେବେ କେନ୍ଦ୍ରମନ୍ତ୍ରୀଙ୍କର ଏହି ହଳିଆ ପ୍ରସଙ୍ଗଟି ଆଜି ତାଳଚେରରେ ଚର୍ଚ୍ଚାର ବିଷୟ ପାଲଟିଛି । ଏହାକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଇଛି । କିଛିଙ୍କ ମତରେ ମନ୍ତ୍ରୀ ଇଙ୍ଗିତ ଇଙ୍ଗିତରେ ତାଳଚେରବାସୀଙ୍କୁ ଉପଯୁକ୍ତ ଲୋକପ୍ରତିନିଧି ବାଛୁ ନଥିବାରୁ ବିକାଶ ବାଧାପ୍ରାପ୍ତ ହେଉଛି ବୋଲି ଏପରି କହିଛନ୍ତି । ତାଙ୍କ ମତରେ ଭୋଟର ଯେଉଁମାନଙ୍କୁ ଲୋକ ପ୍ରତିନିଧି ବାଛିଛନ୍ତି ,ସେମାନଙ୍କ ପାଇଁ ସମସ୍ତଙ୍କର ଉନ୍ନତି ବା ବିକାଶ ସମ୍ଭବ ହୋଇପାରିନାହିଁ । ଆଉ କିଛି ମନ୍ତ୍ରୀଙ୍କ ହଳିଆ ପ୍ରସଙ୍ଗକୁ ତୀବ୍ର ସମାଲୋଚନା କରିଛନ୍ତି । ତାଙ୍କ କହିବା ଅନୁସାରେ ପ୍ରଜାତନ୍ତ୍ରରେ ନିର୍ବାଚିତ ପ୍ରତିନିଧି ଯଦି ହଳିଆ ତେବେ ଆପଣ କଣ ବୋଲି ମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି । ମନ୍ତ୍ରୀ ଏପରି ଭାଷା ପ୍ରୟୋଗ କରିବାର ନଥିଲା ବୋଲି କିଛି କହୁଥିବା ବେଳେ ଏବେ ଆଉ ହଳିଆବୋଲି କେହି ନାହାନ୍ତି । ହଳିଆ ଶବ୍ଦ ଆଉ ବ୍ୟବହାର କରା ଯାଉ ନାହିଁ । ତେବେ ଯାହା ହେଉ ନା କାହିଁକି ମନ୍ତ୍ରୀଙ୍କର ଏହି ହଳିଆ ବଚନ ଆଜି ବେଶ ଚର୍ଚ୍ଚାର ବିଷୟ ପାଲଟିଛି ।
Inauguration of temporary campus and bhumi-pujan of Kendriya Vidyalaya at Jagannath Area, Talcher. https://t.co/MeBXpmSofO
— Dharmendra Pradhan (@dpradhanbjp) June 30, 2022
Advertisement
