ଅନୁଗୁଳ – ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟ ଆଇପିଡି କୋଠାରେ କିନ୍ନରଙ୍କ ପାଇଁ ଗୁରୁବାର ଏକ ସ୍ବତନ୍ତ୍ର ୱାର୍ଡ ଉଦ୍ଘାଟିତ ହୋଇଯାଇଛି । କିନ୍ନରଙ୍କ ପାଇଁ ଏଭଳି ସ୍ବତନ୍ତ୍ର ୱାର୍ଡ ଓଡ଼ିଶାରେ ଦ୍ଵିତୀୟ ସ୍ଥାନରେ ଖୋଲା ଯାଇଛି ବୋଲି କୁହା ଯାଉଛି । ଏଭଳି ଏକ ୱାର୍ଡ ଖୋଲିବାକୁ ସ୍ଵେଚ୍ଛାସେବୀ ଚିନ୍ମୟୀ ସିଡିଏମଓଙ୍କ ନିକଟରେ ଦାବି କରିଥିଲେ । ହସ୍ପିଟାଲ ମ୍ୟାନେଜର ସୋମ୍ୟାଶ୍ରି ପ୍ରଧାନ ଏବଂ ଦେବାଶିଷ ଦାସ ଏହି ୱାର୍ଡକୁ ଉଦ୍ଘାଟନ କରିଥିଲେ । ଏହି ୱାର୍ଡରେ ଟଏଲେଟ୍ର ମଧ୍ୟ ବ୍ୟବସ୍ଥା ରହିଛି । ଆଜିଯାଏ କୌଣସି ସରକାରୀ ହସ୍ପିଟାଲରେ କିନ୍ନରଙ୍କ ପାଇଁ ସ୍ବତନ୍ତ୍ର ୱାର୍ଡର ବ୍ୟବସ୍ଥା ହୋଇପାରିନଥିଲା । ଏହି ସମାରୋହରେ ଅନ୍ୟମାନଙ୍କ ମଧ୍ୟରେ ଡ଼ାପ୍ସୁର ସଂଯୋଜିକା ପ୍ରମିଳା ହୋତା, ସ୍ଵେଚ୍ଛାସେବୀ ବାପୁଜୀ ପ୍ରଧାନ ଓ ଚିନ୍ମୟୀ ଦାସ ପ୍ରମୁଖ ଉପସ୍ଥିତ ଥିଲେ । ପ୍ରଥମ ଦିନ ଏହି ୱାର୍ଡରେ ଦୁଇ ଜଣ କିନ୍ନର ରୋଗୀ ଆଡ଼ମିଶନ ନେଇଛନ୍ତି ।
Advertisement
