ଅପରାଧ ଲୁହା ରଡ ସହ ଗାଡି ଚୋରି ଘଟଣା – ୨ ଗାଡି ଜବତ, ୩ ଗିରଫ Angul OnlineJuly 7, 2022July 7, 2022 ଅନୁଗୁଳ – ଅନୁଗୁଳ ସଦର ଥାନା ଅନ୍ତର୍ଗତ ପଞ୍ଚମହଲାରୁ ଚୋରି ହୋଇ ଯାଇଥିବା ଲୁହା ଛଡ ନେଇ ଯାଉଥିବା ଏକ ଟ୍ରକ କୁ ପୁଲିସ ଜବତ କରିଛି । ଏହା ସହ ଏହି ଘଟଣାରେ ଆଉ ଏକ ପିକଅପ ଗାଡି ମଧ୍ୟ ଜବତ କରିବା ସହ ୩ ଜଣଙ୍କୁ ଗିରଫ କରିଛି । ତେବେ ଏହି ଘଟଣାର ମୁଖ୍ୟ ତଥା ଟ୍ରକର ଡ୍ରାଇଭର ଫେରାର ଥିବା ଜଣା ପଡିଛି । ସୂଚନା ଅନୁସାରେ, ଗତ ମେ ୬ ତାରିଖରେ ପଞ୍ଚମହଲାର ଲଜେଷ୍ଟିକ ପ୍ରାଇଭେଟ ଲିମିଟେଡର ଲୁହା ଛଡ ବୋଝେଇ ଏକ ଆଇଚର କଣ୍ଟେନର ଗାଡି ଗାଡି(ଜେଏଚ- ୧୦-ବିଟି- ୩୫୭୪) ବାଲେଶ୍ବର ଅଭିମୁଖେ ଯାଊଥିଲା । କିନ୍ତୁ ଗାଡିଟି ବାଲେଶ୍ବର ନ ପହଞ୍ଚିବାରୁ ସଂସ୍ଥାର ଅଧିକାରୀ ଅଜୟ କୁମାର ସରାଫ ୨୦୨୨ ମେ ୧୦ ତାରିଖରେ ସଦର ଥାନାର ଦ୍ବାରସ୍ଥ ହୋଇଥିଲେ । ଏନେଇ ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ତଦନ୍ତ କରୁଥିଲା । ତଦନ୍ତ ବେଳେ ଆଇରନ୍ ବୋଝେଇ ଆଇଚର ଗାଡିକୁ ରେଢାଖୋଲରୁ ଠାବ କରିଥିଲା । ତେବେ ଗାଡିରେ ଲୁହା ରଡ ନଥିଲା । ଡ୍ରାଇଭର ଗାଡିରୁ ଆଇରନ ରଡ ବିକ୍ରୀ କରି ଦେଇଥିବା ଜଣା ପଡିଥିଲା । ଅଧିକ ତଦନ୍ତ ବେଳେ ରେଢାଖୋଲର ଏକ ଢାବା ମାଲିକ ଜ୍ଞାନରଞ୍ଜନ ସାହୁଙ୍କୁ ମଧ୍ୟସ୍ଥି କରି ସୋନପୁର ଥାନା ଶିବରା ଅଞ୍ଚଳର ସୁମନ୍ତ ପ୍ରଧାନଙ୍କୁ ଧରି ସୋନପୁରର ବାଲାଜୀ ଟ୍ରେଡିଂ କମ୍ପାନୀର ପ୍ରହଲ୍ଲାଦ ଅଗ୍ରୱାଲଙ୍କୁ ଉକ୍ତ ଲୁହା ରଡକୁ ବିକ୍ରୀ କରିଥିବା ପୁଲିସ ଜାଣିବାକୁ ପାଇଥିଲା । ଏହା ଜଣା ପଡିବା ପରେ ପୁଲିସ ଦୁଇ ଜଣ ମଧ୍ୟସ୍ଥିଙ୍କ ସହ ଲୁହା ରଡ କିଣିଥିବା ବ୍ୟବସାୟୀଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହା ସହ ଚୋରି ହୋଇଥିବା ଏକ ଆଇଚର କଣ୍ଟେନର , ଏକ ପିକ୍ଅପ୍ ଗାଡି ଓ ୪ କ୍ବିଣ୍ଟାଲ ଲୁହାଛଡ ଉଦ୍ଧାର କରିଛି । Advertisement
ଦୁଷ୍କର୍ମ ଅଭିଯୁକ୍ତକୁ ୧୨ ବର୍ଷ ସଶ୍ରମ କାରାଦଣ୍ଡ ତାଳଚେର(ଅନୁଗୁଳ ଅନଲାଇନ୍)-୨୧/୦୯ – ଏକ ଦୁଷ୍କର୍ମ ମାମଲାର ଶୁଣାଣି କରି ତାଳଚେର ଅତିରିକ୍ତ ଜିଲ୍ଲା ଦୌରାଜଜ ରବୀନ୍ଦ୍ର କୁମାର ଦାସ ଅଭିଯୁକ୍ତକୁ ୧୨ ବର୍ଷ ସଶ୍ରମ କାରାଦଣ୍ଡ…
ଦିବ୍ୟାଙ୍ଗ ଯୁବତୀଙ୍କୁ ଦୁଷ୍କର୍ମ ଅଭିଯୋଗ – ବୃଦ୍ଧ ଗିରଫ ଅନୁଗୋଳ – ଅନୁଗୋଳ ଜିଲ୍ଲା ଖମାର ଥାନା ଅଞ୍ଚଳର ଜଣେ ୨୩ ବର୍ଷୀୟା ଦିବ୍ୟାଙ୍ଗ ଯୁବତୀଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଯୁବତୀଙ୍କ ବାପା ଏ…
ଚଢା ସୁଧରେ ଟଙ୍କା ଋଣ ଦେଉଥିବା ଅଭିଯୋଗରେ ଦୁଇ ଗିରଫ ତାଳଚେର – ଅନୁଗୁଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ନୂଆହତା ଗ୍ରାମରେ ଟଙ୍କା ଋଣ ଦେବା ସହ ଚଢା ହାରରେ ସୁଧ ସଂଗ୍ରହ କରୁଥିବା ଅଭିଯୋଗରେ ଦୁଇ…