ତାଳଚେର – ବ୍ରାଉନସୁଗାର ବିକ୍ରି ଅଭିଯୋଗରେ ରେଲୱେ ଲୋକୋ ପାଇଲଟ ସମେତ ଦୁଇଜଣଙ୍କୁ ପୁଲିସ ଗିରଫ କରିଛି । ଲୋକୋ ପାଇଲଟ ଜଣଙ୍କ ଅନେକ ଦିନ ହେଲା ଏହି ବ୍ରାଉନସୁଗାର ବେପାର ଚଲାଇ ଆସୁଥିବା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ଆଜି ତାଳଚେର କୋଲିୟାରୀ ପୁଲିସ ତାଳଚେର ଘଣ୍ଟପଡା ରେଲୱେ କ୍ରସିଂ ନିକଟରୁ ୩ ଗ୍ରାମ ୪୩୦ ମିଲି ଗ୍ରାମ ବ୍ରାଉନସୁଗାର ଜବତ କରିଥିଲା। ବ୍ରାଉନସୁଗାର ବିକ୍ରି ଅଭିଯୋଗରେ ଜଣେ ରେଲୱେ ଲୋକୋ ପାଇଲଟ ରାଜ କମଲ ରଞ୍ଜନ ଓ ଘଣ୍ଟପଡାର ଚା ଦୋକାନୀ ପ୍ରଦୀପ ସାହୁକୁ ଗିରଫ କୋଳିୟାରୀ ପୁଲିସ ଗିରଫ କରିଛି। ପୁଲିସ ସୂଚନା ଅନୁସାରେ ଲୋକୋ ପାଇଲଟ ରାଜ କମଲ ବାହାର ଜିଲ୍ଲାରୁ ବ୍ରାଉନସୁଗାର ଆଣି ଚା ଦୋକାନୀ ପ୍ରଦୀପକୁ ଦେଉଥିଲେ । ଆଉ ପ୍ରଦୀପ ଜରିଆରେ ତାକୁ ବିକ୍ରି କରୁଥିଲେ । ଏହି ଖବର ପାଇ କୋଳିୟାରୀ ପୁଲିସ ଚା ଦୋକାନରେ ଚଢ଼ାଉ କରି ବ୍ରାଉନସୁଗାର ଜବତ କରିବା ସହ ଉଭୟଙ୍କୁ ଗିରଫ କରିଥିଲା । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ପ୍ରାୟ 60 ହଜାର ଟଙ୍କା ହେବ ବୋଲି ଜଣାପଡିଛି ।
What’s your Reaction?
+1
5
+1
4
+1
3
+1
3
+1
11
+1
1
+1
4
