ଅପରାଧ କଥା ମାନିଲା ନାହିଁ ବୋଲି ସ୍ତ୍ରୀକୁ ତଣ୍ଟି ଚିପି ମାରିଦେଲା – ସ୍ଵାମୀ ଗିରଫ Angul OnlineSeptember 9, 2024September 9, 2024 ଅନୁଗୁଳ – ଅନୁଗୁଳ ସହରରେ ଥିବା ସୌଭାଗ୍ୟନଗରର ଏକ ପଡ଼ିଆରୁ ଗତ ୨୭ ତାରିଖ ବିନୋଦିନୀ ଗୋଚ୍ଛାୟତ ନାମକ ଜଣେ ମହିଳାଙ୍କ ମୃତଦେହ ମିଳିଥିଲା । ତାଙ୍କ ଦ୍ବିତୀୟ ସ୍ବାମୀ ତାଙ୍କୁ ହତ୍ୟା କରି ଫିଙ୍ଗି ଦେଇଥିବା ମହିଳାଙ୍କ ମା’ ଅଭିଯୋଗ କରିଥିଲେ । ଏହା ପରେ ଅନୁଗୁଳ ଥାନା ପୁଲିସ ୬୮୨/୨୪ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିଲା । ଏପଟେ ଘଟଣା ପରେ ଦ୍ବିତୀୟ ସ୍ବାମୀ ଶୁକଦେବ ଗୋଚ୍ଛାୟତ ଫେରାର୍ ହୋଇଯାଇଥିଲେ । ତଦନ୍ତ ସମୟରେ ପୁଲିସ ଶୁକଦେବ ଏହି ହତ୍ୟା କରିଥିବା ସୁରାକ ପାଇଥିଲା । ପରେ ପୁଲିସ ତାଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଶେଷରେ ତାଙ୍କୁ ଢେଙ୍କାନାଳରୁ ଗିରଫ କରାଯାଇଛି । ଗିରଫ ପରେ ହତ୍ୟାକାଣ୍ଡ ନେଇ ଶୁକଦେବ ସ୍ବୀକାର କରିଛି । ଆନୁଗୁଳ ଥାନା ଅଧିକାରୀ ଧୀରେଶ କୁମାର ଦାସଙ୍କ ଉପସ୍ଥିତିରେ କେମିତି ହତ୍ୟାକାଣ୍ଡ ଭିଆଇଥିଲା, ତା’ର ଡେମୋ କରି ଦେଖାଇଥିଲା । ଘଟଣାର ପରଦାଫାଶ ହେବା ପରେ ପୁଲିସ ତାକୁ କୋର୍ଟ ଚାଲାଣ କରିଛି ବୋଲି ସୂଚନା ଦେଇଛନ୍ତି ଥାନା ଅଧିକାରୀ ଧୀରେଶ କୁମାର ଦାସ । ସୂଚନା ଅନୁସାରେ, ବିନୋଦିନୀ ଗୋଚ୍ଛାୟତ ୧୫ ବର୍ଷ ତଳେ ତୁମୁଣୀ ଗାଁରେ ବିବାହ କରିଥିଲେ । ତାଙ୍କର ୨ଟି ପୁଅ ଓ ୩ଟି ଝିଅ ରହିଛନ୍ତି । କିନ୍ତୁ ୮ ମାସ ପୂର୍ବରୁ ବିନୋଦିନୀ ଢେଙ୍କାନାଳ ଜିଲ୍ଲା ଶୁକଦେବ ଗୋଚ୍ଛାୟତଙ୍କୁ ପ୍ରେମ କରି ତାଙ୍କ ସହ ପଳାଇ ଯାଇଥିଲେ । ଦୁହେଁ ୮ ମାସ ଏକାଠି ରହିବା ପରେ ଗତ ମାସରେ ସୌଭାଗ୍ୟନଗର ଆସିଥିଲେ । ହତ୍ୟାକାଣ୍ଡ ପୂର୍ବ ରାତିରେ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଝଗଡ଼ା ପରେ ସ୍ବାମୀ ଶୁକଦେବଙ୍କ ସହ ବିନୋଦିନୀ ରାତିରେ ଘରୁ ବାହାରି ଆସିଥିଲେ । ପରେ ପଡ଼ିଆକୁ ଡାକିନେଲ ଶୁକଦେବ ପତ୍ନୀଙ୍କ ବେକକୁ ପିନ୍ଧିଥିବା ଲୁଗା ଓ ରୁମାଲ୍ ଚିପି ହତ୍ୟା କରିଥିଲେ । Advertisement
ବ୍ରାଉନସୁଗାର ଜବତ – ଦୁଇ ଯୁବକ ଗିରଫ ଅନୁଗୁଳ – ଅନୁଗୁଳ ଜିଲ୍ଲା ନାଲକୋନଗର ଥାନା ଇଲାକାରୁ ପୁଣି ବ୍ରାଉନସୁଗାର ଜବତ ହୋଇଛି । ନାଲକୋନଗର ଥାନା ପୁଲିସ ଆଜି କୁଲାଡ଼ ଗାଁରେ ଚଢାଉ କରି…
ମହିଳା ସଂଘ ସଦସ୍ଯାଙ୍କ ଠାରୁ ଟଙ୍କା ଠକେଇ ଘଟଣା- ମା ଓ ଝିଅ ଗିରଫ ଅନୁଗୁଳ – ମହିଳା ସଂଘର ସଭାନେତ୍ରୀ ହୋଇ ମହିଳାଙ୍କ ନାମରେ ବ୍ଯାଙ୍କରୁ ଋଣ ନେବା ସହ ମହିଳା ମାନଙ୍କ ଠାରୁ ଧାର ଆକାରରେ ଟଙ୍କା ନେଇ ଫେରାର…
ପରକ୍ରିୟାପ୍ରୀତି ଆଳ କରି ଯୁବକଙ୍କୁ ନିସ୍ତୁକ ମାଡ ଅଭିଯୋଗ – ଜଣେ ଗିରଫ ଛେଣ୍ଡିପଦା – ଅନୁଗୁଳ ଜିଲ୍ଲା ଛେଣ୍ତିପଦା ଗୁଳାଗାଡିଆ ଗ୍ରାମରେ ପରକ୍ରିୟାପ୍ରୀତି ସନ୍ଦେହ କରି ଯୁବକଙ୍କୁ ନିର୍ଧୁମ ମାଡ ମାରିଥିବା ନେଇ ଥାନାରେ ଅଭିଯୋଗ ହୋଇଛି । ସୂଚନା…