ଅନୁଗୋଳ – ଅନୁଗୋଳ ଜିଲ୍ଲା ହଣ୍ଡପା ଥାନା ପାପସରା ଗ୍ରାମରେ ସୋମବାର ବିଳମ୍ବିତ ରାତିରେ ପତ୍ନୀ ମିତାଲି ପ୍ରଧାନଙ୍କୁ ତାଙ୍କ ସ୍ୱାମୀ ବିମଳ ପ୍ରଧାନ ଏକ ଠେଙ୍ଗାରେ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି l ଏ ନେଇ ମିତାଲିଙ୍କ ଦାଦା ହଣ୍ଡପା ଥାନାରେ ମଙ୍ଗଳବାର ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ମଶାଣିରୁ ମିତାଲିଙ୍କ ଶବ ଲକୁ ଜବତ କରିବା ସହ ବ୍ୟବଛେଦ ପାଇଁ ହଣ୍ଡପା ସ୍ୱାସ୍ଥ୍ୟ କେନ୍ଦ୍ର କୁ ପଠାଇ ଦେଇଛି । ପୁଲିସ ସୂଚନା ଆନୁସାରେ ମିତାଲି ଘରେ ଥିବା ବେଳେ ବିମଳ ବିଳମ୍ବିତ ରାତି ମଦ୍ୟ ପାନ କରି ଆସି ତାଙ୍କୁ ମାଂସ ତରକାରୀ ମାଗିଥିଲେ । ହେଲେ ମିତାଲି ମାଂସ ନଥିବା କହିଥିଲେ । ଏହାକୁ ନେଇ ବିମଳ ଉତକ୍ଷିପ୍ତ ହୋଇ ମିତାଲି ସହ ଝଗଡା ସୃଷ୍ଟି କରିଥିଲେ । ଏ ନେଇ ମିତାଲି ପ୍ରତିବାଦ କରିବାରୁ ବିମଳ ଘରେ ଥିବା ଏକ ଠେଙ୍ଗାରେ ପିଟି ପିଟି ମିତାଲିଙ୍କୁ ମାରି ଦେଇଥିଲେ l ପରେ ନିଶା ଛାଡିବା ପରେ ମିତାଲି ମରିଯାଇଥିବା ଦେଖି ତାଙ୍କ ଶବକୁ ପୋଡିବା ପାଇଁ ମଶାଣିକୁ ନେଉଥିବା ସମ୍ପର୍କରେ ମିତାଲି ଙ୍କ ପରିବାର ଲୋକ ଖବର ପାଇ ଥାନାରେ ଅଭିଯୋଗ କରିଥିଲେ । ପରେ ଅଭିଯୋଗ ପାଇବା ପରେ ହଣ୍ଡପା ଆଇଆଇସି ନମିତା ନାୟକ ମଶାଣି ରେ ପହଁଚି ମିତାଲିଙ୍କ ଶବ ଜବତ କରିବା ସହ ବିମଳକୁ ଗିରଫ କରିଛି ।
Advertisement
